ଭୁବନେଶ୍ବର : ରାଜଧାନୀ ପଟିଆରେ ତିନୋଟି ମନ୍ଦିରରୁ ସିରିଜ ଚୋରି । ଲକ୍ଷାଧିକ ଟଙ୍କାର ସୁନା ରୁପା ଅଳଙ୍କାର ସହ ହୁଣ୍ଡି ଭାଙ୍ଗି ଲୁଟିନେଲେ ଦୁର୍ବୃତ୍ତ । ଗତକାଲି ରାତିରେ ପଟିଆଗଡ଼ କନକଦୁର୍ଗା ମନ୍ଦିର, ନୀଳକଣ୍ଠେଶ୍ଵର ମନ୍ଦିର ଓ ଶିଖରଚଣ୍ଡୀ ଗ୍ରାମ ଦେବତୀ ମନ୍ଦିରରୁ ଚୋରି ହୋଇଛି l କନକ ଦୁର୍ଗା ମନ୍ଦିରରେ ଦୁର୍ବୁତ୍ତ ମାନେ ତାଲା ଭାଙ୍ଗି ମା ଙ୍କ ସୁନା ମୂର୍ତ୍ତି ସହ ରୁପା ଖଟୁଲି, ମାଙ୍କ ମଥା ଟୀକା ଓ ନୋଥ ସହ ହୁଣ୍ଡୀ ବାକ୍ସ ଭାଙ୍ଗି ଟଙ୍କା ଚୋରି ହୋଇଥିବା ନେଇ ମନ୍ଦିର ଟ୍ରଷ୍ଟ ବୋର୍ଡ ପକ୍ଷରୁ ଇନ୍ଫୋସିଟି ଥାନାରେ ଅଭିଯୋଗ ହୋଇଛି l ସେହିପରି ନୀଳକଣ୍ଠେଶ୍ଵର ମନ୍ଦିର ଓ ଶିଖରଚଣ୍ଡୀ ଗ୍ରାମ ଦେବତୀ ମନ୍ଦିରରୁ ସୁନା ରୁପା ଅଳଙ୍କାର ସହ ହୁଣ୍ଡୀରୁ ମଧ୍ୟ ଟଙ୍କା ଚୋରି ହୋଇଛି l ଚାରି ଜଣ ଦୁର୍ବୁତ୍ତ ଚୋରିରେ ସାମିଲ ହୋଇଥିବା ନେଇ ସିସିଟିଭିରେ ନଜର ଆସୁଛି l ପୋଲିସ ସିସିଟିଭି ଆଧାରରେ ତଦନ୍ତ ଆରମ୍ଭ କରିଛି l
