ହତ୍ୟା ନାଁ ଆତ୍ମହତ୍ୟା? ପ୍ରେମିକା ଘରୁ ଉଦ୍ଧାର ହେଲା ପ୍ରେମିକର ମୃତଦେହ

ଭୁବନେଶ୍ବର: ପୁଣି ରାଜଧାନୀରେ ଚାଞ୍ଚଲ୍ୟ । ପ୍ରେମିକା ଘରୁ ଉଦ୍ଧାର ହେଲା ପ୍ରେମିକଙ୍କ ମୃତଦେହ। ରାଜଧାନୀ ଭୁବନେଶ୍ବର ଧଉଳି ଥାନା ଶିଶୁପାଳଗଡ଼ରୁ ଆସିଛି ଏଭଳି ଖବର। ଯାହାକି ଏବେ ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି। ମୃତ ଯୁବକ ଜଣକ ହେଲେ ପପୁନି ସ୍ବାଇଁ । ତାଙ୍କ ଘର ପୁରୀ ଜିଲ୍ଲା ନିମାପଡ଼ା ଅଞ୍ଚଳର । ସେ ରଙ୍ଗ ମିସ୍ତ୍ରୀଭାବେ କାମ କରୁଥିବାବେଳେ ଶିଶୁପାଳଗଡ଼ରେ ରହୁଥିଲେ । ଦୀର୍ଘଦିନ ହେବ ପ୍ରେମ କରୁଥିବାବେଳେ ସେ ପ୍ରେମିକାଙ୍କ ଘରକୁ ଯାଉଥିଲେ । ସୋମବାର ବିଳମ୍ବିତ ରାତିରେ ତାଙ୍କର ଗଳିତ ମୃତଦେହ ଉଦ୍ଧାର ହୋଇଛି । ଝୁଲନ୍ତା ଅବସ୍ଥା ମୃତଦେହ ଉଦ୍ଧାର ମୃତଦେହ ଉଦ୍ଧାର ହୋଇଛି । ଗାମୁଛା ଲଗାଇ ଆତ୍ମହତ୍ୟା କରିଥିବା କୁହାଯାଉଥିବାବେଳେ ପରିବାର ଲୋକେ ହତ୍ୟା ଅଭିଯୋଗ ଆଣିଛନ୍ତି । ଧଉଳି ଥାନା ପୋଲିସ ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇ ଦେଇଥିବାବେଳେ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।