ସ୍କିଲ୍ ଓଡ଼ିଶା ଆୱାର୍ଡ – ୨୦୨୧ : ୪୧ଟି ବିଭାଗରେ ୧୨୩ ଜଣଙ୍କୁ ପଦକ

ଭୁବନେଶ୍ୱର: ଭୁବନେଶ୍ୱରରେ ସ୍କିଲ୍ ଓଡ଼ିଶା ଆୱାର୍ଡ – ୨୦୨୧ ପୁରସ୍କାର ଉତ୍ସବ । ଓଡ଼ିଶା ସ୍କିଲ ଡେଭଲପମେଣ୍ଟ ଅଥରିଟି ପକ୍ଷରୁ କାର୍ଯ୍ୟକ୍ରମ ଆୟୋଜିତ କରାଯାଇଛି । ୪୧ଟି ବିଭାଗରେ ୧୨୩ ଜଣଙ୍କୁ ପଦକ ପ୍ରଦାନ କରାଯାଇଛି । ପଦକ ସହିତ ସାର୍ଟିଫିକେଟ ଓ ଅର୍ଥ ରାଶି ମଧ୍ୟ ପ୍ରଦାନ କରାଯାଇଛି । ଓଡ଼ିଶାରେ ସ୍କିଲ ଓଡ଼ିଶା କାର୍ଯକ୍ରମରେ ଭଲ ପ୍ରଦର୍ଶନ କରିଥିବା ଅନୁଷ୍ଠାନକୁ ସମ୍ବର୍ଦ୍ଧିତ କରାଯାଇଛି ।

ହେୟାର ଡ୍ରେସିଂରେ ସୁଜ୍ଞାନି ମଞ୍ଜରୀ ଡାକୁଆଙ୍କୁ ସ୍ବର୍ଣ୍ଣ ପଦକ ସହିତ ମାନପତ୍ର ଓ ନଗଦ 25 ହାଜର ଟଙ୍କା ପୁରସ୍କାର ପ୍ରଦାନ କରାଯାଇଛି । କାର୍ଯକ୍ରମରେ ବିଭାଗୀୟ ମନ୍ତ୍ରୀ ପ୍ରେମାନନ୍ଦ ନାୟକଙ୍କ ସହିତ ଓଡ଼ିଶା ସ୍କିଲ ଡେଭଲପମେଣ୍ଟ ଚେୟାରମ୍ୟାନ ସୁବ୍ରତ ବାଗଚି, ସିଇଓ ରଘୂଜି ଆଦି ବରିଷ୍ଠ ଅଧିକାରୀ ଉପସ୍ଥିତ ଥିଲେ ।