ନନ୍ଦିଘୋଷ ବ୍ୟୁରୋ: ଯୋଗାଣ ବିଭାଗ ରେଡ ବେଳେ ତାତିଲେ ଆଳୁ ବେପାରୀ। ଏକ ନମ୍ବର ହାଟରେ ଆଳୁ ବେପାରୀଙ୍କ ପ୍ରତିବାଦ। ପଚା ଆଳୁ ରାସ୍ତା ଉପରେ ଫୋପାଡି କରିଛନ୍ତି ପ୍ରତିବାଦ। କୋଲକାତାରୁ ଆଳୁ ଆସିବା ବନ୍ଦ ହୋଇଯାଇଛି। ସେପଟେ ଯେଁଉ ଆଳୁ ଷ୍ଟକ୍ ଅଛି କିଛି ବସ୍ତାରେ 5 କେଜିରୁ ଅଧିକ ପଚା ବାହାରୁଛି। ତେବେ ସରକାରୀ ଦରରେ ବିକ୍ରି କଲେ କ୍ଷତି ହେବ ବୋଲି ବେପାରୀ କହିଛନ୍ତି ସେମାନଙ୍କ ଦୁଃଖ ନ ଶୁଣି ଜୁଲୁମ୍ କରୁଛି ଯୋଗାଣ ବିଭାଗ ବୋଲ ବେପାରୀ କରିଛନ୍ତି ଅଭିଯୋଗ। ଯଦି ଏଭଳି ସେମାନଙ୍କୁ ହଇରାଣ କରାଯିବ ତେବେ ସେମାନେ ବେପାର ବନ୍ଦ କରିଦେବେ ବୋଲି ଧମକ ଦେଇଛନ୍ତି। ଯୋଗାଣ ବିଭାଗର ରାଜ୍ୟ ଫ୍ଲାଇଂ ସ୍କ୍ୱାଡ୍ ପକ୍ଷରୁ ଚଢ଼ାଉ କରାଯାଇଥିଲା । ଆଳୁ ଷ୍ଟକ ଓ ଦରଦାମ ନେଇ ଯାଞ୍ଚ କରିଥିଲା ବିଭାଗ।
