ରାଜଧାନୀ ନାବାଳିକା ଗଣଦୁଷ୍କର୍ମ ମାମଲା: ଆସନ୍ତା ସପ୍ତାହରେ ବ୍ୟକ୍ତିଗତ ହାଜର ହେବାକୁ ଜଗି ପଣ୍ଡାଙ୍କୁ ହେବ ନୋଟିସ୍

ଭୁବନେଶ୍ୱର: ଇନଫୋସିଟି ନାବାଳିକା ଗଣଦୁଷ୍କର୍ମ ଘଟଣା। ପ୍ରତିକ୍ରିୟା ରଖିଲେ ରାଜ୍ୟ ଶିଶୁ ଅଧିକାର ସୁରକ୍ଷା ଆୟୋଗ ଅଧ୍ୟକ୍ଷା । ଓଟିଭି ଏମ ଡି ଜଗି ପଣ୍ଡାଙ୍କ ବିରୋଧରେ ହୋଇଛି ଅଭିଯୋଗ । ତାଙ୍କୁ ନିଜ ପକ୍ଷ ରଖିବାକୁ କମିଶନ ପକ୍ଷରୁ ନିର୍ଦ୍ଧେଶ ଦିଆଯାଇଥିଲା । ନିଜ ପ୍ରତିନିଧିଙ୍କ ଜରିଆରେ ସେ ରଖିଥିବା ଉତ୍ତରରେ ସନ୍ତୁଷ୍ଟ ନୁହନ୍ତି କମିଶନ । ଆସନ୍ତା ସପ୍ତାହରେ ବ୍ୟକ୍ତିଗତ ହାଜର ପାଇଁ ଦିଆଯିବ ନୋଟିସ ।

ମାମଲାକୁ ପ୍ରଥମେ ଗ୍ରହଣ କରିଥିଲେ କମିଶନ । ଏଣୁ ଏହା ବନ୍ଦ ବା ରଦ୍ଦ ହେବାର ପ୍ରଶ୍ନ ଉଠୁନାହିଁ ବୋଲି ସ୍ପଷ୍ଟ କଲେ କମିଶନ ଅଧ୍ୟକ୍ଷା ସଂଧ୍ୟାବତୀ ପ୍ରଧାନ । ସେହିଭଳି ମାମଲା ଆଗକୁ ବିଚାରଣା ହେବ ଅଥବା ରଦ୍ଧ ହେବ ସେ ନେଇ କମିଶନଙ୍କୁ ପ୍ରାର୍ଥନା କରାଯାଇପାରେ କେହି ନିର୍ଦେଶ ଦେଇପାରିବେ ନାହିଁ ।

ସମନ ପାଇଁ ବ୍ୟକ୍ତିଗତ ହାଜର ହେବା ପରିବର୍ତ୍ତେ ପ୍ରତିନିଧିଙ୍କ ଜରିଆରେ ମାମଲାରୁ ନିଜ ନାମକୁ ବାଦ୍ ଦେବାକୁ କମିଶନଙ୍କୁ ନିବେଦନ କରିଥିଲେ ଓଟିଭି ଏମଡି ଜଗିମଙ୍ଗତ ପଣ୍ଡା । ଜଗିଙ୍କ ଆବେଦନକୁ ଖାରଜ କରିବା ସହ ମାମଲାକୁ ବିଚାରଣା ବିବେଚିତ କରିଛନ୍ତି କମିଶନ । ତେବେ ମହିଳା କମିଶନଙ୍କ ଠାରେ ଆବେଦନ ଖାରଜ ସତ୍ତ୍ୱେ ଏବେ ପୁଣି ଶିଶୁ ଅଧିକାର କମିଶନଙ୍କ ନିକଟରେ ମାମଲା ଖାରଜ ପାଇଁ ଆବେଦନ କରିଥିଲେ ।