ଭିକାରୀ ମୁକ୍ତ ହେବ ଭୁବନେଶ୍ବର, ରାଜ୍ୟ ସରକାର ଓ ପତିତ ଉଦ୍ଧାର ସମିତି ପକ୍ଷରୁ ପ୍ରୟାସ

ଭୁବନେଶ୍ୱର: ଭିକାରୀ ମୁକ୍ତ ହେବ ରାଜଧାନୀ ଭୁବନେଶ୍ବର । ଏନେଇ ରାଜ୍ୟ ସରକାର ଓ ଓଡ଼ିଶା ପତିତ ଉଦ୍ଧାର ସମିତି ପକ୍ଷରୁ ପ୍ରୟାସ ଆରମ୍ଭ କରାଯାଇଛି । ଭରତପୁର ରାସ୍ତା କଡ଼ରୁ ୪ ଜଣ ମାନସିକ ବିକାରଗ୍ରସ୍ତ ଓ ଭିକ୍ଷାବୃତ୍ତି କରୁଥିବା ବୃଦ୍ଧ ଓ ବୃଦ୍ଧାଙ୍କୁ ଉଦ୍ଧାର କରି ସେଲଟର ହୋମକୁ ପଠାଯାଇଛି । ଓଡ଼ିଶା ପତିତ ଉଦ୍ଧାର ସମିତିର ଏକାମ୍ର ନିଳୟରେ ବର୍ତ୍ତମାନ ୧୦୦ରୁ ଉର୍ଦ୍ଧ୍ବ ଭିକାରୀ ଓ ମାନସିକ ବିକାରଗ୍ରସ୍ତ ଲୋକଙ୍କୁ ରହିବା ଖାଇବା ଯୋଗାଇବା ସହ ସେମାନଙ୍କ ସ୍ବାସ୍ଥ୍ୟ ପରୀକ୍ଷା କରାଯାଉଛି ।

ସେମାନେ ନିଜେ କିଭଳି ଆତ୍ମ ନିର୍ଭରଶୀଳ ହୋଇପାରିବେ ଏନେଇ ଟ୍ରେନିଂ ମଧ୍ୟ ଦିଆଯାଉଛି । ଫିନାଇଲ ପ୍ରସ୍ତୁତି, ପାପଛ, କପଡ଼ାରେ ତିଆରି ସାମଗ୍ରୀ ଆଦି ପ୍ରସ୍ତୁତ କରି ସେମାନଙ୍କ ସାମଗ୍ରୀ ବଜାର ବିକ୍ରି କରାଯାଇ ପ୍ରଦାନ କରାଯାଉଛି । ସେଲଟର ହୋମରେ ପୂର୍ବରୁ ଅନେକ ଭିକାରୀ ଓ ମାନସିକ ବିକାରଗ୍ରସ୍ତଙ୍କୁ ସୁସ୍ଥ କରିବା ସହ ତାଲିମ ଦେଇ ଘରେ ପହଞ୍ଚାଇଛି ସମିତି ।