ପିଏମ୍ଜି ଅଫିସ୍ ସମ୍ମୁଖରେ ବୀଭତ୍ସ ହତ୍ୟା: ଶୋଇଥିବା ବେଳେ ପୂରା ପରିବାରକୁ ମରଣାନ୍ତକ ଆକ୍ରମଣ
1 min read
ଭୁବନେଶ୍ୱର: ରାଜଧାନୀରେ ପିଏମଜି ଅଫିସ ସମ୍ମୁଖରେ ବୀଭତ୍ସ ହତ୍ୟା । ସ୍ୱାମୀ-ସ୍ତ୍ରୀ ଓ ପିଲା ଶୋଇଥିବା ବେଳେ କରାଯାଇଛି ମରଣାନ୍ତକ ଆକ୍ରମଣ । ଘଟଣାସ୍ଥଳରେ ରକ୍ତ ଜୁଡୁବୁଡୁ ଅବସ୍ଥାରେ ପଡ଼ିଛି ଯୁବକଙ୍କ ମୃତଦେହ । ଗୁରୁତର ଅବସ୍ଥାରେ ସ୍ତ୍ରୀ ଓ ଛୋଟ ପିଲାକୁ କ୍ୟାପିଟାଲ ହସ୍ପିଟାଲକୁ ସ୍ଥାନାନ୍ତର କରାଯାଇଛି । ଘଟଣାସ୍ଥଳରେ ଖାରବେଳ ନଗର ଥାନା ପୋଲିସ ପହଞ୍ଚି ତଦନ୍ତ କରୁଛି । ଗତକାଲି ବିଳମ୍ବିତ ରାତିରେ କେହି ହତ୍ୟା କରିଥିବା ସନ୍ଦେହ କରୁଛି ପୋଲିସ । ତେବେ ହତ୍ୟାକାଣ୍ଡର କାରଣ ଜଣାପଡିନାହିଁ ।
ଘଟଣା ସ୍ଥଳରେ ପୋଲିସର ତନାଘନା ଜାରି । ଗୁରୁତର ମାଆଙ୍କୁ କଟକ ଏସସିବି ସ୍ଥାନାନ୍ତର କରାଯାଇଥିବା ବେଳେ ଶିଶୁ ଜଣକ ପୂରା ସୁସ୍ଥ ଅଛି । ଏବଂ ତାଙ୍କୁ ଚାଇଲ୍ଡ ହେଲ୍ପ ଲାଇନ୍କୁ ହସ୍ତାନ୍ତର କରାଯାଇଛି ।
