ନକଲି ବନ୍ଧୁକରେ ଅସଲି ଲୁଟ୍ ଘଟଣା : ସାମ୍ନାକୁ ଆସିଲା ବନ୍ଧୁକ ଦେଖାଉଥିବାର ସିସିଟିଭି ଭିଜୁଆଲ୍
ଭୁବନେଶ୍ୱର : ଭୁବନେଶ୍ବରରେ ନକଲି ବନ୍ଧୁକରେ ଅସଲି ଲୁଟ୍ ଘଟଣାର ପର୍ଦ୍ଦାଫାସ୍ । ସାମ୍ନାକୁ ଆସିଲା ବନ୍ଧୁକ ଦେଖାଉଥିବାର ସିସିଟିଭି ଭିଜୁଆଲ୍ । ଅଭିଯୁକ୍ତ ପୁନିଆ ନାୟକ ଓ ନରହରି ନାୟକକୁ ଗିରଫ କରିଛି ଭୁବନେଶ୍ବର ଲିଙ୍ଗରାଜ ଥାନା ପୋଲିସ ।
ଏକ ଦୋକାନରୁ ବନ୍ଧୁକ ଦେଖାଇ ଲୁଟ କରିଥିଲେ ୨ ଲୁଟେରା । ନକଲି ବନ୍ଧୁକ ଦେଖାଇ ନେଇଥିଲେ ୫୦ ଗ୍ରାମ୍ ଓଜନର ସୁନା । ଚୋରି ସୁନାକୁ ୭୫ ହଜାର ଟଙ୍କାରେ ବନ୍ଧକ ରଖିଥିଲେ । ପୁନିଆ ନାଁରେ ୨୨ ରୁ ଅଧିକ ଅପରାଧିକ ମାମଲା ରହିଛି । କିଛିଦିନ ତଳେ ମଞ୍ଚେଶ୍ୱର ଅଞ୍ଚଳରେ ରଘୁକୁ ହୋଇଥିବା ଏନକାଉଣ୍ଟରରେ ଖସି ଯାଇଥିଲା ପୁନିଆ । କେସ ନମ୍ବର ୨୮୩ ଦଫା ୪୪୮, ୩୯୨, ଆର୍ମସ ଆକ୍ଟରେ ଅଭିଯୁକ୍ତଙ୍କୁ ଗିରଫ କରିଛି ପୋଲିସ ।
