ରାଜଧାନୀରେ ହିଟ ଆଣ୍ଡ ରନ ମାମଲା : ଜବତ ହେଲା କିଲର ଥର୍
1 min read
ନନ୍ଦିଘୋଷ ବ୍ୟୁରୋ : ରାଜଧାନୀରେ ହିଟ ଆଣ୍ଡ ରନ ମାମଲା । ଜବତ ହେଲା କିଲର ଥର୍ । କାଲି ରାତିରେ ଜାତୀୟ ରାଜପଥ ଉପରେ ସ୍ପିଡ ଡ୍ରାଇଭ ବେଳେ ଘଟିଥିଲା ଦୁର୍ଘଟଣା। ଯେଉଁଥିରେ ଜଣେ ୮ ବର୍ଷର ଝିଅର ମୃତ୍ୟୁ ହୋଇଥିଲା। ଏହି ଘଟଣାରେ ଜଟଣୀରୁ ଜବତ ହୋଇଛି ଗାଡି । ୧୫ କିଲୋମିଟର ଗୋଡ଼ାଗୋଡି ପରେ ଘଟାଇଥିଲା ଦୁର୍ଘଟଣା। ସୂଚନା ଅନୁସାରେ, ମାମୁଁ ଘରୁ ମା ଓ ସାନ ଭାଇ ସହ ଘରକୁ ଫେରୁଥିଲା କୁନି ଝିଅ। ହେଲେ ରାସ୍ତା ପାର ହେବା ବେଳେ ଧକ୍କା ଦେଇଥିଲା ଥର। ମା, ଝିଅ ଓ ପୁଅଙ୍କୁ ବାଡେଇ ଦେଇ ପଳାଇଥିଲା ଥର। ଘଟଣାସ୍ଥଳରେ ୮ ବର୍ଷିୟ ଝିଅ ରେଶମା ରାଉଳର ମୃତ୍ୟୁ ହୋଇଥିବା ବେଳେ, ମା ରେବତୀ ରାଉଳଙ୍କ ଅବସ୍ଥା ସଙ୍କଟାପନ୍ନ ରହିଛି। ସାନ ପୁଅଙ୍କୁ ମଧ୍ୟ ଭୁବନେଶ୍ଵର AIIMSରେ ଭର୍ତ୍ତି କରାଯାଇଛି ।
