ଭୁବନେଶ୍ବରରୁ ଅନ୍ତଃରାଜ୍ଯ ଚୋରା ଗଞ୍ଜେଇ ଚାଲାଣକାରୀ ଗିରଫ

ନନ୍ଦିଘୋଷ ବ୍ୟୁରୋ: ଭୁବନେଶ୍ବରରୁ ଗିରଫ ହେଲା ଅନ୍ତଃରାଜ୍ଯ ଚୋରା ଗଞ୍ଜେଇ ଚାଲାଣକାରୀ । ଅଭିଯୁକ୍ତ ନିକଟରୁ ଏକ କୁଇଣ୍ଟାଲ ଗଞ୍ଜେଇ ସହ କାର ଜବତ କରିଛି ଭରତପୁର ଥାନା ପୋଲିସ । କନ୍ଧମାଳରୁ ଏକ କାରରେ ଏକ କୁଇଣ୍ଟାଲ ଗଞ୍ଜେଇ ଚାଲାଣ ହେଉଥିବା ନେଇ ପୋଲିସ ଜାଣିବାକୁ ପାଇଥିଲା । ଭୁବନେଶ୍ବର ଷ୍ଟୁଡିଓ ଛକରେ ଗାଡ଼ିକୁ ଧରି ତିନି ଅଭିଯୁକ୍ତଙ୍କୁ କାବୁ କରିଥିଲା ପୋଲିସ । ଅଭିଯୁକ୍ତଙ୍କ ମଧ୍ଯରୁ ଜଣେ ମୁର୍ସିଦାବାଦର ହୋଇଥିବାବେଳେ ଅନ୍ଯ ଦୁଇ ଜଣଙ୍କ ଘର ଅନୁଗୁଳରେ ବୋଲି ସୂଚନା ମିଳିଛି । ସେମାନଙ୍କ ନିକଟରୁ ୩୫ ହଜାର ଟଙ୍କା ଓ ୩ଟି ମୋବାଇଲ ଜବତ କରି ତଦନ୍ତ ଜାରି ରଖିଛି ପୋଲିସ ।