୧୪ ବର୍ଷରେ କମିଶନରେଟ ପୋଲିସ

ଭୁବନେଶ୍ବର: ଆଜି ହେଉଛି କମିସନରେଟ୍‌ ପୋଲିସର ପ୍ରତିଷ୍ଠା ଦିବସ । ୧୩ ପୂରି ୧୪ ବର୍ଷରେ ପାଦ ଥାପିଛି କମିଶନରେଟ ପୋଲିସ । ୨୦୦୮ ଜାନୁଆରୀ ୧ରେ ଦ୍ବୈତନଗରୀ ଭୁବନଶ୍ବର-କଟକକୁ ନେଇ ଗଠିତ ହୋଇଥିଲା । ଏହାରି ଭିତରେ ଅନେକ ସଫଳତା ଓ ବିଫଳତା ଦେଖିଛି ।

୨୦୨୨ ପୋଲିସ ପାଇଁ ବଡ଼ ଚାଲେଞ୍ଜ ହେବ । କମିସନରେଟ୍ ପୋଲିସକୁ ଚଳିତବର୍ଷ ୩ଟି ନୂଆ ଥାନା ମିଳିଥିବା ବେଳେ, ଉଭୟ କଟକ ଓ ଭୁବନେଶ୍ବର ପାଇଁ ସ୍ବତନ୍ତ୍ର ଅପରାଧ ଶାଖା ଖୋଲା ଯାଇଛି । ଏହି ଅପରାଧ ଶାଖାରେ ସାଇବର ଠକେଇ ମାମଲାର ତଦନ୍ତ ହେବ । ସାଇବର ଅପରାଧ ନିୟନ୍ତ୍ରଣ କମିସନରେଟ୍ ପୋଲିସ ପାଇଁ ବଡ଼ ଆହ୍ବାନ ହେବ ବୋଲି ଜଣାପଡ଼ିଛି । ଅପରାଧ ନିୟନ୍ତ୍ରଣ ପାଇଁ ପିଓପିଡି, ଟିମ୍-୬୦ କାମ କରୁଛି । ଲୋକଙ୍କ ନିକଟତର ହେବା ପାଇଁ ପୋଲିସ ବସ୍ତିକୁ ଚାଲ ଅଭିଯାନ ଚଳାଇଛି । ୨୦୨୧ରେ ଅପରାଧ ବଢ଼ିଥିବା ବେଳେ ଚଳିତବର୍ଷ ଅପରାଧ ନିୟନ୍ତ୍ରଣ ପାଇଁ ରଣନୀତି ପ୍ରସ୍ତୁତ ହୋଇଛି ।