ଭରତପୁର ପୀଡ଼ିତାଙ୍କୁ ମିଳିଲା ପିଏସଓ

ଭୁବନେଶ୍ବର: ଭରତପୁର ଘଟଣା ପୀଡ଼ିତାଙ୍କୁ ମିଳିଲା ସୁରକ୍ଷା । କମିଶନରେଟ ପୋଲିସ ଯୋଗାଇଦେଲା ପିଏସଓ । ପୀଡ଼ିତାଙ୍କ ୨୪ ଘଣ୍ଟିଆ ସୁରକ୍ଷା ଦାୟିତ୍ବରେ ରହିବେ ପିଏସଓ । ଗତ ୨୧ ତାରିଖରୁ ପୀଡିତା ଓ ତାଙ୍କ ପୁରୁଷ ବନ୍ଧୁଙ୍କୁ ଯୋଗାଇ ଦିଆଯାଇଥିଲା ସୁରକ୍ଷା । ଆବଶ୍ୟକ ପଡ଼ିଲେ ନେବେ କହି ପିଏସଓ ନେବାକୁ ମନା କରିଥିଲେ ଦୁହେଁ ।

କାଲି ପୁଣି ଗଣମାଧ୍ୟମ ଆଗରେ ଜୀବନ ବିପଦରେ ଥିବା କଥା କହିବା ପରେ ପୀଡ଼ିତାଙ୍କୁ ପିଏସଓ ଯୋଗାଇଛି କମିଶନରେଟ ପୋଲିସ । ପୀଡ଼ିତା ଜଣକ ମହିଳା ପିଏସଓ ନେଇଥିବା ବେଳେ ଏଯାଏଁ ପିଏସଓ ନେବାକୁ ରାଜି ନାହାନ୍ତି କ୍ୟାପଟେନ । ଏନେଇ ସୂଚନା ଦେଇଛନ୍ତି ଭୁବନେଶ୍ୱର ଡିସିପି ପ୍ରତୀକ ସିଂ ।