ବିଜୁ ପଟ୍ଟନାୟକ ରାଜ୍ୟ ପୋଲିସ ଏକାଡେମୀକୁ ସର୍ବଶ୍ରେଷ୍ଠ ଜାତୀୟ ପ୍ରଶିକ୍ଷଣ ଏକାଡେମୀ  ମାନ୍ୟତା

ଦିଲ୍ଲୀ: ଭୁବନେଶ୍ବର ବିଜୁ ପଟ୍ଟନାୟକ ରାଜ୍ୟ ପୋଲିସ ଏକାଡେମୀକୁ ସର୍ବଶ୍ରେଷ୍ଠ ପୋଲିସ ପ୍ରଶିକ୍ଷଣ ଏକାଡେମୀ ଭାବେ ମିଳିଛି ଜାତୀୟ ମାନ୍ୟତା । ଏହାସହ ମିଳିଲା କେନ୍ଦ୍ର ଗୃହମନ୍ତ୍ରୀ ଟ୍ରଫି ।

ନୂଆଦିଲ୍ଲୀ ସ୍ଥିତ ବ୍ୟୁରୋ ଅଫ୍ ପୋଲିସ ରିସର୍ଚ୍ଚ ଆଣ୍ଡ ଡେଭଲପମେଣ୍ଟ ମୁଖ୍ୟାଳୟରେ ଆୟୋଜିତ କାର୍ଯ୍ୟକ୍ରମରେ କେନ୍ଦ୍ରୀୟ ଗୃହ ସଚିବ ଅଜୟ କୁମାର ଭଲ୍ଲା ବିଜୁ ପଟ୍ଟନାୟକ ରାଜ୍ୟ ପୋଲିସ ଏକାଡେମୀ ନିର୍ଦ୍ଦେଶକ ଅରୁଣ କୁମାର ଷଡଙ୍ଗୀଙ୍କୁ ଟ୍ରଫି ପ୍ରଦାନ କରିଥିଲେ । ଏହାସହ ଅରୁଣ କୁମାର ଷଡଙ୍ଗୀ ବ୍ୟକ୍ତିଗତ ଭାବେ ମେଡାଲ ପାଇଛନ୍ତି ।

ପ୍ରଶିକ୍ଷଣ ସୁବିଧା ଓ ପଦ୍ଧତି, ପ୍ରଶିକ୍ଷାର୍ଥୀ ଓ ପ୍ରଶିକ୍ଷକଙ୍କ ଦକ୍ଷତା, ବିକାଶ କାର୍ଯ୍ୟକ୍ରମର କାର୍ଯ୍ୟାନ୍ବୟନ ପରି ମାପଦଣ୍ଡରେ ବିଜୁ ପଟ୍ଟନାୟକ ରାଜ୍ୟ ପୋଲିସ୍ ଏକାଡେମୀକୁ ସମସ୍ତ ରାଜ୍ୟ ପୋଲିସ୍ ଟ୍ରେନିଂ ଏକାଡେମୀ ଓ ଅନୁଷ୍ଠାନ ମଧ୍ୟରେ ସର୍ବୋତ୍ତମ ପୋଲିସ୍ ତାଲିମ ପ୍ରତିଷ୍ଠାନ ଭାବରେ ମନୋନୀତ କରାଯାଇଥିଲା |