ରାଜଧାନୀରେ ଯୁବକଙ୍କ ଆତଙ୍କରାଜ; ବସ ଡ୍ରାଇଭରଙ୍କୁ ମାଡ ମାରିବା ସହ ଯାତ୍ରୀଙ୍କୁ ଓହ୍ଲାଇଦେଲେ ଦୁର୍ବୃତ୍ତ

ଭୁବନେଶ୍ୱର: ରାଜଧାନୀ ରାଜରାସ୍ତାରେ ଯୁବକଙ୍କ ଆତଙ୍କରାଜ । ବସ ଡ୍ରାଇଭରଙ୍କୁ ମାଡ ମାରିବା ସହ ଯାତ୍ରୀଙ୍କୁ ଓହ୍ଲାଇଦେଲେ ଦୁର୍ବୃତ୍ତ । ଘଟଣା ଘଟିଥିଲା ସତସଙ୍ଗ ବିହାର ସମ୍ମୁଖ ମୁଖ୍ୟ ରାସ୍ତାରେ। ଗାଡି ସାଇଡମରାକୁ ନେଇ ଅଧଘଣ୍ଟା ଧରି ରାସ୍ତା ଉପରେ ଆତଙ୍କ ରଚିଲେ ଯୁବକମାନେ। ବସକୁ ଅଟକାଇ ଡ୍ରାଇଭରଙ୍କୁ ମାଡ଼ ମାରିବା ସହ ବସ ଭଙ୍ଗାରୁଜା କରି ଯାତ୍ରୀଙ୍କୁ ଗାଡିରୁ ଓହ୍ଲାଇ ଦେଇଥିବା ଦେଖିବାକୁ ମିଳିଛି । ଖବର ପାଇ ସହିଦନଗର ଥାନା ପୋଲିସ ଆକ୍ରମଣ କରିଥିବା ୫ ଜଣକୁ ଅଟକ ରଖି ତଦନ୍ତ କରୁଛି।

ସୋସିଆଲ ମିଡିଆରେ ଏହି ଭିଡିଓ ଭାଇରାଲ ହେବା ପରେ ପୋଲିସ ଅଭିଯୁକ୍ତଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନେବାକୁ ଦାବି କରିଛନ୍ତି ସ୍ଥାନୀୟ ଲୋକେ।