ଶାଶୂ ଉପରକୁ ବୋହୂ ଫୋପାଡ଼ିଲା ଗରମ ପାଣି, ଭିଡିଓ ଭାଇରାଲ

ନନ୍ଦିଘୋଷ ବ୍ୟୁରୋ: ଶାଶୂ ଉପରକୁ ବୋହୂ ଗରମ ପାଣି ପକାଉ ଥିବା ଭିଡିଓ ଭାଇରାଲ । ଢେଙ୍କାନାଳ ଜିଲ୍ଲା ଭୁବନରେ ଦେଖିବାକୁ ମିଳିଛି ଏଭଳି ଅଭାବନୀୟ ଦୃଶ୍ୟ  ।  ଅମାନୁଷିକ ଭାବରେ ଛାତ ଉପରେ ଥାଇ ବୋହୂ ଗରମ ପାଣି ପକାଉ ଥିବା ବେଳେ ନାତି ହାତରେ ଇଟା ଖଣ୍ଡ ଫୋପାଡୁ ଥିବା ଦୃଶ୍ୟ ଦେଖିବାକୁ ମିଳିଛି।  ଭୁବନ ଏନ୍ଏସି ଓ୍ବାଡ ନଂ – ୨ ରହୁଥିବା ରବି ସାହୁର ବୋହୂ ନନ୍ଦିନୀ ସାହୁ ପାରିବାରିକ କଳହ ପାଇଁ ଶାଶୂ ବାଜ ସାହୁ ଉପରେ ଗରମ ପାଣି ଫୋପାଡୁଥିବା  ସୂଚନା ରହିଛି ।  ବାପା ବୁଦ୍ଧିମନ୍ତ ସାହୁ ୪ ପୁଅ ରହିବା ପାଇଁ ଘର ତିଆରି କରିଥିଲେ। କିନ୍ତୁ ବଡ ପୁଅ ରବି ସାହୁ  ବାପା, ମାଆ ଓ ଅନ୍ୟ ଭାଇମାନଙ୍କୁ ସେ ଘରେ ରହିବା ପାଇଁ ଅନୁମତି ନଦେବାରୁ ବୃଦ୍ଧ ବାପା ମାଆ ପ୍ରତିବାଦ କରିଥିଲେ । ସେହି ଘରକୁ ପ୍ରବେଶ କରାଇ ନଦେବା ପାଇଁ ଶାଶୂଙ୍କ ଉପରେ ବୋହୂ ଗରମ ପାଣି ଫୋପାଡୁଥିବା ଦେଖିବାକୁ ମିଳିଛି ।