ବିଜେପି ରାଷ୍ଟ୍ରୀୟ ଅଧ୍ଯକ୍ଷ ଜେପି ନଡ୍ଡାଙ୍କୁ ବିଜେଡି ସାଂସଦ ପ୍ରାର୍ଥୀ ଭୃଗୁ ବକ୍ସିପାତ୍ରଙ୍କ ସମାଲୋଚନା

ଭୁବନେଶ୍ୱର: ବିଜେପି ରାଷ୍ଟ୍ରୀୟ ଅଧ୍ଯକ୍ଷ ଜେପି ନଡ୍ଡାଙ୍କୁ ବିଜେଡି ସାଂସଦ ପ୍ରାର୍ଥୀ ଭୃଗୁ ବକ୍ସିପାତ୍ରଙ୍କ ସମାଲୋଚନା। ଗୋଟିଏ ମଞ୍ଚରେ ନଡ୍ଡା ଓ ପ୍ରଦୀପ ପାଣିଗ୍ରାହୀ ଏକାଠି ବସିବା ଆଶ୍ଚର୍ଯ୍ଯଜନକ। ଚାକିରି ପାଇଁ ଲୋକଙ୍କୁ ଠକି ଜେଲ ଯାଇଛନ୍ତି ପ୍ରଦୀପ। ଅପରାଧିକ ପୃଷ୍ଠଭୂମି ଥିବା ନେତାଙ୍କ ସହ ମଞ୍ଚରେ ବସୁଛନ୍ତି ନଡ୍ଡା।

ଭୃଗୁ କହିଛନ୍ତି, ଏକ ଭିନ୍ନ ଆଭିମୁଖ୍ଯର ଦଳ ଭାବି ବିଜେପିରେ ଯୋଗ ଦେଇଥିଲି। ୨୩ ବର୍ଷ ଧରି ବିଜେପିକୁ ମୁଁ ଝାଳ ଓ ରକ୍ତ ଦେଇଛି। କିନ୍ତୁ ପ୍ରଦୀପଙ୍କ ଭଳି ଜଣେ ଅପରାଧିଙ୍କୁ ଦଳରେ ଗ୍ରହଣ କରିବା ଉଦବେଗଜନକ। ଏହା ବିଜେପିର ତୃଣମୂଳ କ୍ଯାଡରଙ୍କୁ କ୍ଷୁବ୍ଧ କରିଛି। ଅପରାଧିଙ୍କୁ ସାଙ୍ଗରେ ରଖି ବିଜେପି କିଭଳି ଭିନ୍ନ ଆଭିମୁଖ୍ଯର ଦଳ ?

ପ୍ରଦୀପ ଓ ପ୍ରଶାନ୍ତଙ୍କ ଭଳି ଅପରାଧି ଓଡିଆ ଅସ୍ମିତାର ପରିଚୟ କି ? ବିଜେପିର ଓଡିଆ ଅସ୍ମିତାର ଏହି ଦୁଇ ନେତା ପୋଷ୍ଟର ବୟ କି ? ବ୍ରହ୍ମପୁର ଓ ଓଡିଶାବାସୀ ବିଜେପି ଉପରେ ହସୁଛନ୍ତି। ବିଜେପିର ଏହିଭଳି ଛଳନା ମୋତେ ଆଶ୍ଚର୍ଯ୍ଯ କରିଛି ବୋଲି କହିଛନ୍ତି ଭୃଗୁ ବକ୍ସିପାତ୍ର।