ରେଶମ ସହରରେ ତେଲୁଗୁ ସମ୍ପ୍ରଦାୟ ଲୋକଙ୍କ ଭୋଗୀ ଉତ୍ସବ

ବ୍ରହ୍ମପୁର: ରେଶମ ସହର ବ୍ରହ୍ମପୁର ଧୁମଧାମରେ ପାଳନ ହେଉଛି ଭୋଗୀ ଉତ୍ସବ । ତେଲୁଗୁ ସମ୍ପ୍ରଦାୟଙ୍କ ଏହି ଉତ୍ସବକୁ ନେଇ ଚଳଚଞ୍ଚଳ ବ୍ରହ୍ମପୁର ସହର । ଗତକାଲି ବିଳମ୍ବିତ ରାତିରୁ ସହରର ସାହି ଓ ଗଳି କନ୍ଦିରେ ଭୋଗୀ ନିଆଁ ଜାଳିବା ସହ ନାଚଗୀତରେ ମସଗୁଲ ହୋଇଛନ୍ତି ଲୋକେ । ଡିଜେ ଗୀତର ତାଳେ ତାଳେ ନାଚି ଉଠିଥିଲେ ସମସ୍ତେ ।

ଭୋଗୀ ଓ ମକର ସଂକ୍ରାନ୍ତି ପାଳନ ପାଇଁ ବାହାରେ ରହୁଥିବା ତେଲୁଗୁ ସମ୍ପ୍ରଦାୟର ଲୋକେ ନିଜ ଘରକୁ ଆସି ବେଶ ମଜା ଉଠାଉଛନ୍ତି । ମକର ସଂକ୍ରାନ୍ତିକୁ ତେଲୁଗୁ ନୂଆବର୍ଷ ଭାବେ ପରିଗଣିତ କରାଯାଉଥିବାରୁ ଭୋଗୀ ଦିନ ପୁରୁଣାବର୍ଷକୁ ବିଦାୟ ଦେଇଥିଲେ । ଏହାସହ ଭୋଗି ନିଆଁରେ ସମସ୍ତ ରାଗ ରୁଷା ପାଉଁଶ ହୋଇ ନୂଆ ସଂଙ୍କଳ୍ପ ଓ ନୂଆ ଆଶା ନେଇ ନୂଆ ବର୍ଷକୁ ସ୍ୱାଗତ କରିଛନ୍ତି ତେଲୁଗୁ ସମ୍ପ୍ରଦାୟର ଲୋକେ ।