ପ୍ରଥମଥର ପାଇଁ ଅନୁଷ୍ଠିତ ହୋଇଛି ଭିତରକନିକା ମହୋତ୍ସବ

କେନ୍ଦ୍ରାପଡ଼ା: ଉଦଘାଟିତ ହେଲା ଭିତରକନିକା ମହୋତ୍ସବ । କେନ୍ଦ୍ରାପଡ଼ା ରାଜନଗର ନଳିତାପାଟିଆ ଠାରେ ଆୟୋଜିତ ହୋଇଛି ଉତ୍ସବ । ଅଭୟାରଣ୍ୟକୁ ଜାତୀୟ ଉଦ୍ୟାନ ମାନ୍ୟତା ମିଳିବାର ଦୀର୍ଘ ୨୨ ବର୍ଷ ପରେ ପ୍ରଥମଥର ପାଇଁ ଅନୁଷ୍ଠିତ ହୋଇଛି ଭିତରକନିକା ମହୋତ୍ସବ । ପ୍ରତିଦିନ ସଂଧ୍ୟାରେ ଜମୁଛି ସାଂସ୍କୃତିକ କାର୍ଯ୍ୟକ୍ରମର ଆସର । ଚଟପଟି ଖାଇବା ସାଙ୍ଗକୁ ବିଭିନ୍ନ ନାଚଗୀତର ମଜା ଉଠାଉଛନ୍ତି ଲୋକେ । ପ୍ରଥମଦିନ ମହୋତ୍ସବରେ ମୁଖ୍ୟଅତିଥିଭାବେ ଯୋଗ ଦେଇଥିଲେ ସଂସ୍କୃତି ମନ୍ତ୍ରୀ ଜ୍ୟୋତିପ୍ରକାଶ ପାଣିଗ୍ରାହୀ । କାର୍ଯ୍ୟକ୍ରମରେ କୁମ୍ଭୀର ବିଶାରଦ ଡକ୍ଟର ସୁଧାକର କରଙ୍କୁ ଏହି ଉତ୍ସବରେ ପୁରସ୍କୃତ କରିଥିଲେ ପର୍ଯ୍ୟଟନ ମନ୍ତ୍ରୀ ଜ୍ୟୋତିପ୍ରକାଶ ପାଣିଗ୍ରାହୀ । ୧୬ ତାରିଖରେ ଉଦଯାପିତ ହେବ ମହୋତ୍ସବ ।