ଅଳ୍ପକେ ବର୍ତ୍ତିଗଲେ ଭୀମ ଆର୍ମି ମୁଖ୍ୟ ଚନ୍ଦ୍ରଶେଖର ଆଜାଦ
ସହାରନପୁର: ଅଳ୍ପକେ ବର୍ତ୍ତିଗଲେ ଭୀମ ଆର୍ମି ମୁଖ୍ୟ ଚନ୍ଦ୍ରଶେଖର ଆଜାଦ। ଉତ୍ତରପ୍ରଦେଶ ସହାରନପୁରରେ ତାଙ୍କ ଉପରେ ଗୁଳିମାଡ଼ ହୋଇଛି। ତାଙ୍କୁ ତୁରନ୍ତ ନିକଟରେ ଥିବା ସରକାରୀ ହସ୍ପିଟାଲରେ ଭର୍ତ୍ତି କରାଯାଇଛି।
ଚନ୍ଦ୍ରଶେଖରଙ୍କ ପେଟରେ ସାମାନ୍ୟ ଆଘାତ ଲାଗିଥିବା ବେଳେ ସେ ଏବେ ବିପଦ ମୁକ୍ତ ଥିବା ଡାକ୍ତର କହିଛନ୍ତି। ଚନ୍ଦ୍ରଶେଖର ଆଜାଦ ନିଜ ସହଯୋଗୀଙ୍କ ସହ କାରରେ ଯାଉଥିବା ବେଳେ ଦେଓବନ୍ଦ ନିକଟରେ ଆଉ ଏକ ଗାଡ଼ିରେ କିଛି ଲୋକ ଆସି ୪ ରାଉଣ୍ଡ ଗୁଳି ମାଡ଼ କରିଥିଲେ।
ସହାରନପୁର ପୋଲିସ ମାମଲାର ତଦନ୍ତ କରୁଥିବା ବେଳେ ଅଭିଯୁକ୍ତ ଖୁବଶୀଘ୍ର ଧରାପଡ଼ିବେ ବୋଲି କହିଛନ୍ତି। ତେବେ ଦୁବୃର୍ତ୍ତ ମାନେ ହରିଆଣାର ନଂ ପ୍ଲେଟ୍ ଥିବା ଗାଡ଼ିରେ ଆସିଥିବା ନେଇ ସୂଚା ମିଳିଛି ।
