ମହାପ୍ରଭୁଙ୍କ ଭଉଁରୀ ଯାତ୍ରା, ରଥଖଳାରେ ତିନି ରଥର ଚକ ଅଖ ଡେରା ନୀତି ସମ୍ପନ୍ନ

ପୁରୀ: ଭଉଁରୀ ତିଥି । ତିନି ରଥର ଦୁଇ ଦୁଇଟି ଚକରେ ଗୋଟିଏ ଅଖ ଯୋଖା ହୋଇ ଡେରା ନୀତି ହୋଇଛି । ପ୍ରଥମେ ତାଳଧ୍ବଜ ରଥର ଚକ ଅଖ ଯୋଖା ହୋଇଛି । ପରେ ନନ୍ଦିଘୋଷ ଏବଂ ଶେଷରେ ଦର୍ପଦଳନ ରଥର ଚକ ଅଖ ଡେରା ନୀତି ସମ୍ପନ୍ନ ହୋଇଛି । ଭୋଇ ସେବକମାନେ ଏହି ନୀତି କରିଛନ୍ତି । ଚକ ଅଖ ଡେରା ନୀତି ପାଇଁ ସକାଳ ଧୂପ ପରେ ଶ୍ରୀମନ୍ଦିରରୁ ଆଜ୍ଞାମାଳ ଆସିଥିଲା । ରଥଖଳାରେ ସବୁ ରଥର ଚକ ଅଖରେ ଆଜ୍ଞାମାଳ ଲଗା ଯାଇଥିଲା । ଭୋଇ ସେବକଙ୍କ ଦ୍ବାରା ଚକ ଅଖ ଯୋଖା ପରେ ଡେରା ହୋଇଛି । ପୋଲିସ ପ୍ରଶାସନର ଉପସ୍ଥିତିରେ ଚକ ଅଖ ଡେରା ନୀତି ସମ୍ପନ୍ନ ହୋଇଛି ।