ଅର୍ଜୁନ ରାମପାଲଙ୍କ ପରେ ଭାରତୀ ସିଂଙ୍କ ଘରେ NCBର ଚଢାଉ

ମୁମ୍ବାଇ: ଏନସିବି ଟାର୍ଗେଟରେ ବଲିଉଡର କଳାକାର  । କମେଡିଆନ ଭାରତୀ ସିଂହଙ୍କ ଘରେ ଏନସିବିର ଚଢାଉ  । ଭାରତୀ ଓ ତାଙ୍କ ସ୍ବାମୀ ଡ୍ରଗ୍ସ ସେବନ କରୁଥିବା ଅଭିଯୋଗ ହୋଇଛି  । ଏନେଇ ପ୍ରମାଣ ପାଇବା ପରେ ଏନସିବି ପକ୍ଷରୁ ଚଢାଉ ଜାରି ରହିଛି  । ଭାରତୀ ସିଂହ ବଲିଉଡର ଜଣେ ଆଗଧାଡିର କଳାକାର  । ସେ ବହୁ ରିଆଲିଟି ଶୋରେ ମଧ୍ୟ କାମ କରିଛନ୍ତି  । ଘରୋଇ ଟିଭିରେ ପ୍ରସାରିତ କପିଲ ଶର୍ମା ଶୋରେ ସେ ଅଭିନୟ କରି ଚର୍ଚ୍ଚାରେ ଆସିଥିଲେ  ।

ବଲିଉଡ଼ ଡ୍ରଗ୍ସ ମାମଲା ରେ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (ଏନସିବି)  ହାସ୍ୟ ଅଭିନେତା ଭାରତ ସିଂଙ୍କ ଘରେ ଚଢାଉ କରିଛି । ଏବଂ ଭାରତୀଙ୍କ ଘରୁ ଗଞ୍ଜେଇ ମିଳିଥିବାର ସୂଚନା ମିଳିଛି । ଏନସିବିର ମୁମ୍ବାଇ ଜୋନାଲ ୟୁନିଟ୍ ହାସ୍ୟ ଅଭିନେତ୍ରୀ ଭାରତୀ ସିଂ ଏବଂ ତାଙ୍କ ସ୍ୱାମୀ ହର୍ଷଙ୍କ ଘରେ ଚଢାଉ କରିଥିଲେ। ଏନସିବି ଆନ୍ଧେରି, ଲୋଖଣ୍ଡୱାଲା ଏବଂ ବର୍ସୋଭା ଅଞ୍ଚଳରେ ଚଢାଉ ଜାରି ରଖିଛି । ନିକଟରେ ଅଭିନେତା ଅର୍ଜୁନ ରାମପାଲଙ୍କୁ ମଧ୍ୟ ଏନସିବି ପଚରାଉଚରା କରି ତାଙ୍କ ଘରେ ଚଢାଉ କରିଥିଲା।

ଭାରତ ସିଂ ହେଉଛନ୍ତି କମେଡି ଦୁନିଆର ରାଣୀ । ଏହି ସମୟରେ ସେ ଦି କପିଲ ଶର୍ମା ଶୋ’ର ଏକ ଗୁରୁତ୍ୱପୂର୍ଣ୍ଣ ଭୁମିକାରେ ନଜର ଆସୁଛନ୍ତି । ଭାରତୀଙ୍କ ଘରେ ଚଢାଉ ଖବର ନିଶ୍ଚିତ ଭାବରେ ତାଙ୍କ ପ୍ରଶଂସକଙ୍କୁ ନିରାଶ ହୋଇଛନ୍ତି । ତେବେ ଏପର୍ଯ୍ୟନ୍ତ ଏହି ବିଷୟରେ ଅଧିକ ବିବରଣୀ ଦିଆଯାଇନାହିଁ ।