କାଶ୍ମୀରରେ କଂଗ୍ରେସର ଭାରତ ଯୋଡ ଯାତ୍ରା

ଜମ୍ମୁ କାଶ୍ମୀର : କାଶ୍ମୀରରେ କଂଗ୍ରେସର ଭାରତ ଯୋଡ ଯାତ୍ରା । ଆଜି ସକାଳୁ ଜାମ୍ମୁ ନାଗରୋଟାରୁ ପଦଯାତ୍ରା ଆରମ୍ଭ ହୋଇଛି । ସନ୍ଧ୍ୟା ସୁଦ୍ଧା ପଦଯାତ୍ରା ଉଦ୍ଧମପୁରରେ ପହଞ୍ଚିବ । ସକାଳ ପ୍ରାୟ ୮ଟାରୁ ଆରମ୍ଭ ହୋଇଥିବା ଏହି ଯାତ୍ରାରେ କଂଗ୍ରେସ ସାଂସଦ ରାହୁଲ ଗାନ୍ଧୀଙ୍କ ସହ ହଜାର ହଜାର ସମର୍ଥକ ଓ ବହୁ ବରିଷ୍ଠ ନେତା ସାମିଲ ହୋଇଛନ୍ତି । ଗତକାଲି ସତଓ୍ବାରୀ ଚୌକରେ ଜନସଭାକୁ ସମ୍ବୋଧିତ କରିଥିଲେ ରାହୁଲ ।

କାଶ୍ମୀର ପ୍ରତି କେନ୍ଦ୍ରର ଅବହେଳାକୁ ନେଇ ରାହୁଲ କେନ୍ଦ୍ରକୁ ଟାର୍ଗେଟ କରିଥିଲେ । କେନ୍ଦ୍ର ସରକାର କାଶ୍ମୀରବାସୀଙ୍କ ଅଧିକାର ଛଡ଼ାଇ ନେଇଛନ୍ତି ବୋଲି ରାହୁଲ କହିଥିଲେ । ସେହି ରାଲିରେ ବାଲାକୋଟ ବିସ୍ଫୋରଣ ଓ ସର୍ଜିକାଲ ଷ୍ଟ୍ରାଇକକୁ ନେଇ ବିଜେପି ଉପରେ ବର୍ଷିଥିଲେ ବରିଷ୍ଠ କଂଗ୍ରେସ ନେତା ଦିଗବିଜୟ ସିଂ । ପାକିସ୍ତାନ ଉପରେ ସର୍ଜିକାଲ ଷ୍ଟ୍ରାଇକର କିଛି ପ୍ରମାଣ ନାହିଁ, କେନ୍ଦ୍ର ସରକାର ମିଛ କହୁଛନ୍ତି ବୋଲି ଦିଗବିଜୟ କହିଥିଲେ । ଯାହାକୁ ନେଇ ରାଜନୀତି ଜୋର ଧରିଛି ।