କୋଭାକ୍ସିନ୍ ନେବା ପରେ ପାର୍ଶ୍ୱ ପ୍ରତିକ୍ରିୟା ଦେଖାଦେଲେ ମିଳିବ କ୍ଷତିପୂରଣ

ହାଇଦ୍ରାବାଦ: ଦେଶରେ ଆଜିଠୁ କୋଭିଡ୍ ଟିକାକରଣ ଆରମ୍ଭ ହୋଇଛି । କରୋନା ଭୂତାଣୁ ବିରୋଧରେ କୋଭାକ୍ସିନ୍ ଟିକା ପ୍ରସ୍ତୁତ କରିଥିବା ଭାରତ ବାୟୋଟେକ୍ ଏକ ବଡ଼ ଘୋଷଣା କରିଛି । କମ୍ପାନୀ ପକ୍ଷରୁ କୁହାଯାଇଛି- ଟିକା ଦିଆଯିବା ପରେ କାହାରି ଠାରେ ଗୁରୁତର ପାର୍ଶ୍ୱ ପ୍ରତିକ୍ରିୟା ଦେଖାଦେଲେ କମ୍ପାନୀ କ୍ଷତିପୂରଣ ଦେବ । ଭାରତ ବାୟୋଟେକ୍ ଠାରୁ କେନ୍ଦ୍ର ସରକାର ୫୫ ଲକ୍ଷ ଡୋଜ୍ ଟିକା କିଣିବା ପାଇଁ ଅର୍ଡର ଦେଇଛନ୍ତି ।

ଭ୍ୟାକ୍ସିନ୍ ନେଉଥିବା ଲୋକଙ୍କ ସହମତି ପତ୍ର ଅନୁସାରେ, ‘କୌଣସି ଗୁରୁତ୍ୱର ପାର୍ଶ୍ୱ ପ୍ରତିକ୍ରିୟା ଦେଖାଦେଲ, ସରକାରଙ୍କ ପକ୍ଷରୁ ନିର୍ଦ୍ଦିଷ୍ଟ ହସ୍ପିଟାଲରେ ଚିକିତ୍ସା ସୁବିଧା ଦିଆଯିବ । ଯଦି ଦେଖା ଦେଇଥିବା ପାର୍ଶ୍ୱ ପ୍ରତିକ୍ରିୟା ଭ୍ୟାକ୍ସିନ୍ ଯୋଗୁଁ ହୋଇଥିବ ତ କମ୍ପାନୀ ଏଥିପାଇଁ ସମସ୍ତ ଖର୍ଚ୍ଚ କରିବ ।’

ପ୍ରଥମ ଓ ଦ୍ୱିତୀୟ ପର୍ଯ୍ୟାୟ କ୍ଲିନିକାଲ୍ ଟ୍ରାଏଲ୍ ବେଳେ ଭାରତ ବାୟୋଟେକ୍ ନିର୍ମିତ ‘କୋଭାକ୍ସିନ୍’ କୋଭିଡ୍-୧୯ ବିରୋଧରେ ଏଣ୍ଟିଡୋଟ୍ ତିଆରି କରିଥିଲା । ତେବେ, କୋଭାକ୍ସିନର ଚିକିତ୍ସା କେତେ ପ୍ରଭାବଶାଳୀ ତାହା ନିର୍ଦ୍ଧାରଣ ବାକି ଅଛି । ଏହାର ପ୍ରଭାବ କେତେ ତୃତୀୟ ପର୍ଯ୍ୟାୟ ଟ୍ରାଏଲ୍ ଡାଟା ଆଧାରରେ କରାଯିବ ।

ଭ୍ୟାକ୍ସିନ୍ ନେବା ପରେ କଣ କରିବେ ?

କମ୍ପାନୀ କହିଛି- ଭ୍ୟାକ୍ସିନ୍ ଡୋଜ୍ ନେବା ଅର୍ଥ ନୁହେଁ ଯେ କରୋନାରୁ ରକ୍ଷା ଲାଗି ମାନୁଥିବା ନିୟମ ପାଳିବା ନାହିଁ । ଟିକା ନେଇଥିବା ବ୍ୟକ୍ତିଙ୍କୁ ଏକ ଫ୍ୟାକ୍ଟସିଟ୍ ଦିଆଯାଇଛି । ପୀଡ଼ିତଙ୍କୁ ପାର୍ଶ୍ୱ ପ୍ରତିକ୍ରିୟା ଦେଖାଯିବାର ୭ ଦିନ ମଧ୍ୟରେ ଜମା କରିବାକୁ ପଡ଼ିବ ।