ଭକ୍ତ ଚାରଣ ଦାସ ହେଲେ ପିସିସି ସଭାପତି
ଭୁବନେଶ୍ବର: କିଏ ହେବ କଂଗ୍ରେସ ପିସିସି ସଭାପତି ? ଏହି ପ୍ରଶ୍ନରେ ପଡିଲା ପୂର୍ଣ୍ଣେଚ୍ଛେଦ । ଶେଷରେ ପିସିସି ସଭାପତିଙ୍କ ନାଁ ଘୋଷଣା କଲା ଏଆଇସିସି । ଓଡ଼ିଶା ପିସିସି ସଭାପତି ଭାବେ ବରିଷ୍ଠ କଂଗ୍ରେସ ନେତା ତଥା ପୂର୍ବତନ କେନ୍ଦ୍ରମନ୍ତ୍ରୀ ଭକ୍ତଚରଣ ଦାସଙ୍କୁ ନାଁ ଘୋଷଣା କରାଯାଇଛି । ଏନେଇ ଏଆଇସିସି ସୂଚନା ଦେଇଛି ।
ସୂଚନାଯୋଗ୍ୟ, ଶରତ ପଟ୍ଟନାୟକଙ୍କ ଇସ୍ତଫା ପରେ ପିସିସି ସଭାପତି ପଦ ଖାଲି ପଡ଼ିଥିଲା । ଏପରିକି ଦୀର୍ଘଦୀନ ହେବ ବିନା ମୁଖିଆରେ ରାଜ୍ୟ କଂଗ୍ରେସ ପରିଚାଳିତ ହେଉଥିଲା । ମୁଖିଆ ନଥିବାରୁ ଦଳୀୟ କର୍ମୀଙ୍କୁ ମାର୍ଗଦର୍ଶନ ମିଳୁ ନଥିଲା । ଏପରିକି ପିସିସି ସଭାପତିକୁ ନେଇ ସମୟେ ସମୟେ ରାଜ୍ୟ ରାଜନୀତି ମଧ୍ୟ ସରଗରମ ହେଉଥିଲା ।
ଦୀର୍ଘଦିନ ମୁଖିଆ ପଦ ଖାଲି ପଡ଼ିବା କାରଣରୁ ବରିଷ୍ଠ ନେତାମାନେ ମଧ୍ୟ ଅସନ୍ତୋଷ ପ୍ରକାଶ କରିବାକୁ ଲାଗିଥିଲେ । ଏଆଇସିସି ଯାହାକୁ ବି ଦାୟିତ୍ବ ଦେବାକୁ ଚାହୁଁଛନ୍ତି, ତୁରନ୍ତ ଦେବାକୁ ଦଳରୁ ଦାବି ଉଠବାରେ ଲାଗିଥିଲା ।
