ରାଜସ୍ଥାନର ମୁଖ୍ୟମନ୍ତ୍ରୀ ଭାବେ ଶପଥ ନେଲେ ଭଜନ ଲାଲ ଶର୍ମା

ଜୟପୁର: ଆଜିଠାରୁ ରାଜସ୍ଥାନରେ ଭଜନ ରାଜ। ରାଜସ୍ଥାନର ମୁଖ୍ୟମନ୍ତ୍ରୀ ଭାବେ ଶପଥ ନେଲେ ଭଜନ ଲାଲ ଶର୍ମା। ଦୁଇ ଜଣ ହୋଇଛନ୍ତି ଉପ-ମୁଖ୍ୟମନ୍ତ୍ରୀ। ମୁଖ୍ୟମନ୍ତ୍ରୀ ଭଜନ ଲାଲଙ୍କ ସହ ଉପମୁଖ୍ୟମନ୍ତ୍ରୀ ଭାବେ ଦୀୟା କୁମାରୀ ଓ ପ୍ରେମଚାନ୍ଦ ବୈରୱା ଶପଥଗ୍ରହଣ କରିଛନ୍ତି।

ସମସ୍ତଙ୍କୁ ରାଜ୍ୟପାଳ କଳରାଜ ମିଶ୍ର ଶପଥ ପାଠ କରାଇଛନ୍ତି। ଜୟପୁରରେର ଆଲବର୍ଟ ହଲ ପରିସରରେ ଆୟୋଜନ ହୋଇଥିଲା ଏହି ଶପଥଗ୍ରହଣ ସମାରୋହ। ଉତ୍ସବରେ ପ୍ରଧାନମନ୍ତ୍ରୀଙ୍କ ସମେତ ବିଜେପିର ଅନେକ ବରିଷ୍ଠ ନେତା ଯୋଗ ଦେଇଛନ୍ତି। ଏହାସହ ବିଜେପି ଶାସିତ ରାଜ୍ୟର ମୁଖ୍ୟମନ୍ତ୍ରୀ ମାନେ ମଧ୍ୟ ଯୋଗ ଦେଇଥିଲେ।

ଭଜନଲାଲ ଶର୍ମା ବ୍ରାହ୍ମଣ ସମାଜରୁ ଆସିଥିବା ଜଣେ ମଜଭୁତ ଚେହେରା । ଦୀର୍ଘ ୫୦ ବର୍ଷ ପରେ ରାଜସ୍ଥାନରେ ଜଣେ ବ୍ରାହ୍ମଣ ଚେହେରା ମୁଖ୍ୟମନ୍ତ୍ରୀ ହୋଇଛନ୍ତି । ପ୍ରଥମ ଥର ପାଇଁ ସାଙ୍ଗନେରରୁ ବିଧାୟକ ହୋଇଛନ୍ତି ଭଜନ ଲାଲ ଶର୍ମା। ଚାରି ଥର ରାଜ୍ୟ ବିଜେପିର ମହାସଚିବ ଭାବେ ସେ ଦାୟିତ୍ବ ତୁଲାଇଥିଲେ।