ନନ୍ଦିଘୋଷ ଟିଭି ପ୍ରଭାବ: ଭଦ୍ରକ ବାଲିମାଫିଆଙ୍କ ଠାରୁ ଲାଞ୍ଚ ଅଡିଓ ଭାଇରାଲ ଘଟଣାରେ ତତ୍କାଳୀନ ଥାନାଧିକାରୀ ନିଲମ୍ବିତ

ଭଦ୍ରକ: ବାଲିମାଫିଆଙ୍କ ଠାରୁ ଲାଞ୍ଚ ଅଡିଓ ଭାଇରାଲ ଘଟଣା । ଭଣ୍ଡାରିପୋଖରୀର ପୂର୍ବତନ ଥାନାଧିକାରୀ ସନାତନ ସାହୁ ନିଲମ୍ବିତ । ଭାଇରାଲ ଅଡିଓ ତଦନ୍ତ ପରେ ସନାତନ ସାହୁଙ୍କୁ ନିଲମ୍ବନ କରିଛନ୍ତି  ପେଲିସ ଡିଜି ଅଭୟ । ଡିଜିପିଙ୍କ କାର୍ଯ୍ୟାନୁଷ୍ଠାନ ନେଇ ସୂଚନା ଦେଇଛନ୍ତି ଭଦ୍ରକ ଏସପି ରାଜେଶ ପଣ୍ଡିତ । ଭଦ୍ରକରେ ବାଲିମାଫିଆ ଓ ପୋଲିସ ଲିଙ୍କ ନେଇ ନନ୍ଦିଘୋଷ ଟିଭି ପ୍ରଥମେ ଖବର ପ୍ରସାରଣ କରିଥିଲା ।

ବାଲି ଚୋରା ଚାଲାଣ ନେଇ ଖାକି ଓ ମାଫିଆଙ୍କ ମଧ୍ୟରେ କଥାବାର୍ତ୍ତାର ଏକ ଅଡିଓ ଡିଲ ଭାଇରାଲ ହୋଇଥିଲା । ଏହି ଖବର ସାମ୍ନାକୁ ଆସିବା ପରେ ଭଦ୍ରକ ଏସପି ଧାମନଗର ଏସଡ଼ିପିଓଙ୍କୁ ତଦନ୍ତ ଭାର ଦେଇଥିଲେ । ୨୩ ତାରିଖରେ ଏହି ଘଟଣା ଗଣମାଧ୍ୟମରେ ପ୍ରସାରଣ ହୋଇଥିଲା  । ୨୪ ତାରିଖ ଦିନ ଥାନା ଅଧିକାରୀଙ୍କୁ ଭଣ୍ଡାରିପୋଖରୀ ଥାନାରୁ ବଦଳି କରାଯାଇ ପୋଲିସ ମୁଖ୍ୟାଳୟକୁ ଅଣାଯାଇଥିଲା । ଘଟଣାକୁ ନେଇ ତଦନ୍ତ କରାଯାଇଥିଲା । ଆଜି ପୂର୍ବତନ ଥାନାଧିକାରୀଙ୍କୁ ନିଲମ୍ବନ କରିଛନ୍ତି ଡିଜିପି ।