ପୋଲିସ ଓ ବାଲିମାଫିଆ ଅଡିଓ ଭାଇରାଲ ଘଟଣାର ତଦନ୍ତ ନିର୍ଦ୍ଦେଶ ଦେଲେ ଭଦ୍ରକ ଏସପି

ଭଦ୍ରକ: ନନ୍ଦିଘୋଷ ଟିଭି ପ୍ରଭାବ । ପୋଲିସ ଓ ବାଲିମାଫିଆ ଅଡିଓ ଭାଇରାଲ ଘଟଣା । ଘଟଣାର ତଦନ୍ତ ନିର୍ଦ୍ଦେଶ ଦେଲେ ଭଦ୍ରକ ଏସପି । ଧାମନଗର ଏସଡିପିଓ ଘଟଣାର ତଦନ୍ତ କରୁଛନ୍ତି । ଟ୍ୱିଟ ଯୋଗେ ସୂଚନା ଦେଲେ ଭଦ୍ରକ ଏସପି । ତେବେ ପୋଲିସ ବାବୁଙ୍କ ଜାଣତରେ ଚାଲିଥିଲା ବେଆଇନ ବାଲି ଚାଲାଣ । ଅଡିଓ ଭାଇରାଲ ହେବା ପରେ ଜଣାଡ଼ିଲା ପୋଲିସ ଏବଂ ବାଲି ମାଫିଆଙ୍କ ମଧ୍ୟରେ ଥିବା ମଧୁଚନ୍ଦ୍ରୀକା ।

କେମିତି ବାଲି ଚାଲାଣ ହେବ ସେନେଇ ଫୋନ ମାଧ୍ୟମରେ ହେଉଥିଲା ଡିଲ । ଯାହାର ଅଡିଓ ଏବେ ଭାଇରାଲ ହେଉଛି । ଯଦି ଡିଲ ପକ୍କା ନହୁଏ ତେବ ପୋଲିସ ଚଢ଼ାଉ କରୁଛି କିନ୍ତୁ ଯଦି ଡିଲ ପକ୍କା ହୁଏ ତେବେ ଚଢାଉ କରୁନି ପୋଲିସ । ଭଦ୍ରକ ଜିଲ୍ଲାର ଜଣେ ଥାନା ଅଧିକାରୀ ଓ ବାଲି ମାଫିଆଙ୍କ ଫୋନ କଲ ଭାଇରାଲ ହେବା ପରେ ପଦାରେ ପଡିଛି ପୋଲିସ ବାବୁ ଓ ବାଲି ମାଫିଆଙ୍କ ଘନିଷ୍ଟ ସମ୍ପର୍କ ।