ଘର ଭିତରେ ପଶି ୩ ମହିଳାଙ୍କୁ ହାଣିଲେ ଅଜଣା ଦୁର୍ବୃତ୍ତ

ନନ୍ଦିଘୋଷ ବ୍ୟୁରୋ: ଘର ଭିତରେ ପଶି ୩ ମହିଳାଙ୍କୁ ହାଣିଲେ ଅଜଣା ଦୁର୍ବୃତ୍ତ । ବଡ ବୋହୁର ମୃତ୍ୟୁ ହୋଇଥିବା ବେଳେ, ସାନ ବୋହୁ ଓ ଶାଶୁ ଗୁରୁତର ଅଛନ୍ତି । ଉଭୟ ଗୁରୁତରଙ୍କୁ ପ୍ରଥମେ ଭଣ୍ଡାରିପୋଖରି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଓ ପରେ ଭଦ୍ରକ ମେଡ଼ିକାଲରେ ଭର୍ତ୍ତି କରାଯାଇଛି । ଭଦ୍ରକ ଜିଲ୍ଲା ଭଣ୍ଡାରିପୋଖରୀ ଥାନା ଦେଓପଦା ଗାଁରେ ଘଟିଛି ଏଭଳି ଘଟଣା । ଆକ୍ରମଣର କାରଣ ଅସ୍ପଷ୍ଟ ଥିବା ବେଳେ, ଆକ୍ରମଣରେ ଏକାଧିକ ଲୋକଙ୍କ ସଂପୃକ୍ତି ଥିବା ସନ୍ଦେହ କରାଯାଉଛି । ଘରେ କେହିନଥିବା ବେଳେ ସଂଘବଦ୍ଧ ଭାବେ ଘର ଭିତରେ ପଶି ମହିଳା ମାନଙ୍କୁ ଆକ୍ରମଣ ହୋଇଥିବା କହିଛନ୍ତି ସଂପର୍କୀୟ। ଅନ୍ୟପଟେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ବଡ ବୋହୁ ଝୁନୁଲତା ସାହୁଙ୍କୁ ଡାକ୍ତର ମୃତ ଘୋଷଣା କରିଥିବା ବେଳେ, ସାନ ବୋହୁ ସସ୍ମିତା ସାହୁ ଓ ଶାଶୁ କନକଲତା ସାହୁ ଗୁରୁତର ଅଛନ୍ତି ।