ଶିଶୁଙ୍କ ପାଇଁ ଆସିଥିବା ୯୫ କ୍ବିଣ୍ଟାଲ ଗହମ ପାଣିରେ ଭସାଇ ଦେଲେ ସିଡିପିଓ
ନନ୍ଦିଘୋଷ ବ୍ୟୁରୋ: ଶିଶୁ ସୁରକ୍ଷା ପାଇଁ ସରକାର ବିଭିନ୍ନ ଯୋଜନା କରୁଛନ୍ତି । ଶିଶୁ ବିକାଶ ପ୍ରକଳ୍ପ-୨ରେ ଶିଶୁଙ୍କ ପାଇଁ ବ୍ୟବସ୍ଥା କରାଯାଇଛି । ହେଲେ ଭଦ୍ରକରେ ଏଥିରେ ବ୍ୟତିକ୍ରମ ଦେଖିବାକୁ ମିଳିଛି । ଶିଶୁମାନଙ୍କ ଖାଦ୍ୟ ପାଇଁ ଆସିଥିବା ୯୫ କ୍ବିଣ୍ଟାଲ ଗହମକୁ ପାଣିରେ ଭସାଇ ଦେଇଛନ୍ତି ସିଡିପିଓ । ଲକ୍ଷ ଲକ୍ଷ ଟଙ୍କାର ଗହମ ଏପରି ପାଣିରେ ଫିଙ୍ଗା ଯିବାକୁ ନେଇ ଅଞ୍ଚଳରେ ଅସନ୍ତୋଷ ପ୍ରକାଶ ପାଇଛି ।
ସୂଚନା ଅନୁସାରେ, ଶିଶୁ ବିକାଶ ପ୍ରକଳ୍ପ-୨ ଅଧୀନରେ ତ୍ରିନାଥ ଶକ୍ତି ସ୍ବୟଂ ସହାୟକ ଗୋଷ୍ଠୀକୁ ଦାୟିତ୍ବ ଦିଆଯାଇଥିଲା । କିନ୍ତୁ ସ୍ବୟଂ ସହାୟକ ଗୋଷ୍ଠୀ ଓ ସରକାରୀ ଉଦାସୀନତା ଯୋଗୁଁ ଏତେ ପରିମାଣର ଗହମ ନଷ୍ଟ ହୋଇଗଲା, ହେଲେ କେହି ତା’ର ଦାୟିତ୍ବ ନେଲେ ନାହିଁ । ଏଥିପାଇଁ ଦାୟୀ ଅଧିକାରୀଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ନେଇ ଦାବି ଜୋର ଧରିଛି ।
ଏବେ ପ୍ରଶ୍ନ ଉଠୁଛି, ଏତେ ପରିମାଣରେ ଖାଦ୍ୟଶସ୍ୟ ନଷ୍ଟ ହୋଇଗଲା। ଏ ନେଇ କାହା ପାଖରେ କିପରି ଆଗରୁ ଖବନ ନଥିଲା ? କାହିଁକି ଠିକ ସମୟରେ ଗହମଗୁଡ଼ିକ ବ୍ୟବହାର ହେଲାନି କାହିଁକି ? ଏତେ ପରିମାଣର ଖାଦ୍ୟକୁ ନଷ୍ଟ କରଗଲା ଏହାର ଭରଣା କିଏ କରିବ ? ଭଦ୍ରକ ଜିଲ୍ଲା ପ୍ରଶାସନ ପାଖରେ ଏନେଇ ଖବର ଅଛି ତ ?
