RBIର ଚେତାବନୀ ! ଏହି କଥା ନମାନିଲେ ଖାଲି ହୋଇଯିବ ଆପଣଙ୍କ ବ୍ୟାଙ୍କ ଆକାଉଣ୍ଟ

ମୁମ୍ବାଇ: ଲୋକଙ୍କୁ ଫ୍ରଡରୁ ବଞ୍ଚାଇବା ଲାଗି ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ ପକ୍ଷରୁ ଅନେକ କ୍ୟାମ୍ପେନ୍ କରାଯାଉଛି । ଏମିତି ବି ଅନଲାଇନ୍ ବ୍ୟାଙ୍କିଂକୁ ନେଇ କେତଥର ଆରବିଆଇ ଚେତାବନୀ ଜାରି କରିଛି । ତେବେ, ଡିଜିଟାଲ ନେଣଦେଣ ନେଇ ଲୋକଙ୍କ ବଢ଼ୁଥିବା ଆଗ୍ରହ ସହ ଫ୍ରଡ୍ ମଧ୍ୟ ବଢ଼ି ବଢ଼ି ଚାଲିଛି । ଏହି ଅଭିଯାନରେ ଆରବିଆଇ ଲୋକଙ୍କୁ ଅନଲାଇନ୍ ଫ୍ରଡ୍ ଓ ବ୍ୟାଙ୍କିଂ ସହ ଜଡ଼ିତ ନେଣଦେଣକୁ ନେଇ ସଚେତନ କରୁଛି । ଯଦି ଆପଣ ଫ୍ରଡରୁ ବଞ୍ଚିବାକୁ ଚାହୁଁଛନ୍ତି ତ ଏହି କଥାକୁ ଧ୍ୟାନ ଦିଅନ୍ତୁ ।

ଆରବିଆଇ ନାଁରେ ଆସୁଥିବା କୌଣସି ବି ଇମେଲ୍ ଖୋଲନ୍ତୁ ନାହିଁ । ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ ନାଁରେ ଆସୁଥିବା ଇମେଲ ଆପଣଙ୍କ ବ୍ୟାଙ୍କ ଆକାଉଣ୍ଟରେ ଥିବା ଜମା ଟଙ୍କାକୁ ଖାଲି କରି ଦେଇପାରେ ।

ଆରବିଆଇ କହିଛି- ଲୋକଙ୍କୁ RBI ନାଁରେ ବହୁତ ମିଛ ଇମେଲ୍ ଆସିଥାଏ । ଏହି ଇମେଲରେ କୁହାଯାଇଥାଏ ଆପଣ ପୁରସ୍କାର ଜିତିଛନ୍ତି । ଆଉ ଲକ୍ଷ ଲକ୍ଷ ଟଙ୍କାର ପୁରସ୍କାର ପାଇବା ପାଇଁ ପ୍ରୋସେସିଂ ଫି’ ଓ ଅନ୍ୟ ଚାର୍ଜ ଭାବେ ଟଙ୍କା ମଧ୍ୟ ମାଗିଥାନ୍ତି ।

ଏହା ଉପରେ ରିର୍ଜଭ ବ୍ୟାଙ୍କ ଅଫ୍ ଇଣ୍ଡିଆ ପକ୍ଷରୁ କୁହାଯାଇଛି- ଆରବିଆଇ ଏଭଳି ଇମେଲ୍ କେବେ କାହାରିକୁ ବି ପଠାଏ ନାହିଁ । ଲଟେରୀ ଜିତିବା କିମ୍ବା ବିଦେଶୀ ଟଙ୍କା ଜିତିବା ନେଇ କୌଣସି ଇମେଲ୍ ଅଥବା ଏସଏମଏସ୍ ଆରବିଆଇ ପଠାଏ ନାହିଁ ।

କେମିତି ଜାଣିବେ ?

ରିଜର୍ଭ ବ୍ୟାଙ୍କ ନାଁରେ ବହୁତ ଗୁଡ଼ିଏ ମିଛ ଇମେଲ ‘ଆରିବିଆଇ’ ଓ ‘ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ’ ଲେଖାଯାଇ ମେଲ୍ ଆସିଥାଏ । ଲୋକ ଏହା ଉପରେ ପ୍ରାୟତଃ ଧ୍ୟାନ ଦେଇନଥାନ୍ତି । ଯଦି ଆପଣ ଅନଲାଇନ୍ ଫ୍ରଡରୁ ରକ୍ଷା ପାଇବାକୁ ଚାହୁଁଛନ୍ତି ତ ନିଶ୍ଚୟ ଧ୍ୟାନ ଦିଅନ୍ତୁ । ଇମେଲ୍ କେଉଁ ଆଡ୍ରେସରୁ ଆସିଛି ଦେଖନ୍ତୁ । ସନ୍ଦିଗ୍ଧ ଅନୁଭବ ହେଉଥିଲେ ଇମେଲରେ କୌଣସି ସୂଚନା ଦିଅନ୍ତୁ ନାହିଁ । ଏଭଳି ଇମେଲ ଓ ଏସଏମଏସର କୌଣସି ଉତ୍ତର ନଦେବା ପାଇଁ ଆରବିଆଇ କହିଛି ।