ପେଟ୍ରୋଲ ଖର୍ଚ୍ଚରୁ ମୁକ୍ତି ଦେବ ଏହି ଇଲେକ୍ଟ୍ରିକ୍ ବାଇକ୍

ନୂଆଦିଲ୍ଲୀ: ପେଟ୍ରୋଲ ଦର ବଢ଼ି ଚାଲିଥିବା ବେଳେ ଦେଶରେ ଇଲେକ୍ଟ୍ରିକ୍ ଗାଡ଼ିର ଚାହିଦା ବଢ଼ୁଛି । ଇଲେକ୍ଟ୍ରିକ୍ ସ୍କୁଟର ଭଳି ଏବେ ଲୋକଙ୍କ ଡିମାଣ୍ଡରେ ଇଲେକ୍ଟ୍ରିକ୍ ବାଇକ୍ । ଆସନ୍ତା ସପ୍ତାହରେ ବଜାରକୁ ଆସିବାକୁ ଯାଉଛି ଟର୍କ କ୍ରାଟୋସର ଇଲେକ୍ଟ୍ରିକ୍ ମଟର ସାଇକେଲ୍ । ଅନ୍ୟପଟେ ରିଭଲ୍ଟ ଆରଭି ୪୦୦ର ବିକ୍ରି ଜୋରଦାର ହେଉଛି । ଯଦି ଆପଣ ଇଲେକ୍ଟ୍ରିକ୍ ବାଇକ୍ କିଣିବାକୁ ଯାଉଛନ୍ତି ତ ଜାଣିନିଅନ୍ତୁ ଲୋକପ୍ରିୟ ବାଇକ୍ ଓ ଦାମ ସମ୍ପର୍କରେ… ।

ବଜାରରେ ଚର୍ଚ୍ଚାରେ ଥିବା ଇଲେକ୍ଟ୍ରିକ୍ ବାଇକ୍ ହେଉଛି ରିଭଲ୍ଟ ଆରଭି ୪୦୦ । ଏହାର ଏକ୍ସ ସୋ ରୁମ୍ ଦର ୯୦ ହଜାର ୭୯୯ ଟଙ୍କା ରହିଛି । ଏହା ଗୋଟିଏ ଥରେ ଚାର୍ଜରେ ୧୫୦ କିଲୋମିଟର ଯାଏ ଚାଲିପାରିବ । ସେହିଭଳି ରିଭଲ୍ଟ ଆରଭି ୩୦୦ର ଦାମ ୯୪ ହଜାର ୯୯୯ ଟଙ୍କା ରହିଛି । ଏହା ଥରେ ଫୁଲ୍ ଚାର୍ଜ ହେଲେ ୧୮୦ କିଲୋମିଟର ଯାଏ ଯାଇପାରିବ ।

ଏହାଛଡ଼ା ବଜାରରେ ଓଡ଼ିଶୀ ଇଲେକ୍ଟ୍ରିକ୍ ଇଭୋକ୍ୱିସ୍ ଭଳି ଦାମୀ, ଆକର୍ଷଣୀୟ ବାଇକର ବିକଳ୍ପ ରହିଛି । ଏହାର ଏକ୍ସ ସୋ ରୁମ୍ ଦର ୧ ଲକ୍ଷ ୬୪ ହଜାର ଟଙ୍କା ରହିଥିବା ବେଳେ ଥରେ ଚାର୍ଜରେ ଏହା ୧୪୦ କିଲୋମିଟର ଯାଏ ଯାଇ ପାରିବ । ଅଧିକ ସ୍ପିଡ୍ ଓ ବେଶୀ ମାଇଲେଜ୍ ଦେଉଥିବା ଇଲେକ୍ଟ୍ରିକ୍ ବାଇକ୍ ରହିଛି ।