ଚୀନର ଶାଡୋଙ୍ଗରେ ବେରୁଟ ଭଳି ବିସ୍ଫୋରଣ,ଉଡିଲା ଅନେକ ଘର

ବେଜିଂ: ଚୀନର ଶାଡୋଙ୍ଗ୍ ପ୍ରଦେଶରେ ବେରୁଟ୍ ଭଳି ଭିଷଣ ବିସ୍ଫୋରଣ ହୋଇଛି । ଚୀନ ମିଡିଆ ଅନୁସାରେ ଏହି ଏହି ବିସ୍ଫୋରଣ ପୂର୍ବ ଚୀନର ଶାଡାଙ୍ଗ ପ୍ରଦେଶର ଏକ ବଜାର ନିକଟରେ ହୋଇଛି । ଏହି ବିସ୍ଫୋରଣରେ ମୃତହାତଙ୍କ ସଂଖ୍ୟା ବାବଦରେ ଏପର୍ଯ୍ୟନ୍ତ କୌଣସି ସୂଚନା ମିଳି ପାରିନାହିଁ । ବିସ୍ଫୋରଣ ପରେ ଧୂଆଁର ବିଶାଳ ଚାଦର ଦେଖିବାକୁ ମିଳିଥିଲା । ବିସ୍ଫୋରଣ କାରଣରୁ ଅନେକ ଘରର ଛାତ ଉଡିଯାଇଛି

ଗ୍ଲୋବାଲ ଟାଇମ୍ସ ଅନୁସାରେ ଏହି ଘଟଣାରେ ଏପର୍ଯ୍ୟନ୍ତ କେତେଜଣ ପ୍ରାଣ ହରାଇଛନ୍ତି ସେ ବାବଦରେ କୌଣସି ତଥ୍ୟ ମିଳିନାହିଁ । ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଜାରି ରହିଛି ।  ପ୍ରାରମ୍ଭିକ ତଦନ୍ତରୁ କୃଷକଙ୍କ ସାମଗ୍ରୀ ରଖିବା ସ୍ଥାନରେ ବିସ୍ଫୋରଣ ହୋଇଥିବା ଜଣା ପଡିଛି । କୁହାଯାଉଛି ଯେ, କାଠ କାଟିବା କାଳରେ ବିଦ୍ୟୁତ ତାର କ୍ଷତିଗ୍ରସ୍ତ କାରଣରୁ ବିସ୍ଫୋରଣ ହୋଇଥିଲା ।

#Breaking: An explosion occurred near a market in Jining, East China's Shandong Province on Saturday morning. Casualty unknown. pic.twitter.com/XPgYy0kCHt

— Global Times (@globaltimesnews) August 15, 2020

ସୂଚନାଯୋଗ୍ୟ ଯେ, ଏହାପୂର୍ବରୁ ଲେବାନନ୍ ରାଜଧାନୀ ବେରୁଟରେ ହୋଇଥିବା ବିସ୍ଫୋରଣରେ ୧୭୮ ଜଣ ପ୍ରାଣ ହରାଇଥିଲେ । ବେରୁଟ ପୋର୍ଟରେ ଥିବା ଗୋଦାମର ୬ ବର୍ଷ ଧରି ପଡିରହିଥିବା ୨ ହଜାର ୭୫୦ କିଲୋ ଆମୋନିୟମ ନାଇଟ୍ରେଟ୍ କାରଣରୁ ଏହି ବିସ୍ଫୋରଣ ହୋଇଥିଲା । ଏହି ବିସ୍ଫୋରଣ ପରେ ପୁରା ବେରୁଟ ସହର ଧ୍ୱସ୍ତ ହୋଇଯାଇଥିଲା ।  ବିସ୍ଫୋରଣ ଏତେ ଭୟଙ୍କର ଥିଲା ଯେ, ଏହାକୁ ୧.୫ କିଲୋମିଟର ଦୂର ପର୍ଯ୍ୟନ୍ତ ଦେଖାଯାଇଥିଲା । ବେରୁଟ ବିସ୍ଫୋରଣରେ ୫ ଜଣ ଭାରତୀୟ ମଧ୍ୟ ସାମାନ୍ୟ ଆହତ ହୋଇଥିଲେ ।