ଭୁବନେଶ୍ଵର ପରେ ବ୍ରହ୍ମପୁର ପିନ୍ଧିବେ ବଡ଼ି କ୍ୟାମେରା ପୋଲିସ

ନନ୍ଦିଘୋଷ ବ୍ୟୁରୋ: ଭୁବନେଶ୍ଵର ପରେ ବ୍ରହ୍ମପୁର ପିନ୍ଧିବେ ବଡ଼ି କ୍ୟାମେରା । ବ୍ରହ୍ମପୁର ପୋଲିସକୁ ୫ଟି କ୍ୟାମେରା ମିଳିଥିବା ବେଳେ ଆଜି ଏହାକୁ ସହରର ଟ୍ରାଫିକ କନେଷ୍ଟବଳ ମାନଙ୍କୁ ପ୍ରଦାନ କରିଛନ୍ତି ଏସପି । ଏହି କ୍ୟାମେରା ଦ୍ଵାରା ଟ୍ରାଫିକ କନେଷ୍ଟବଳମାନେ କିଭଳି ନିଜର ଦାୟିତ୍ଵ ତୁଲାଉଛନ୍ତି ତାହା ଜଣାପଡ଼ିବ । ଏହି କ୍ୟାମେରା ସାମ୍ନାରେ ରହିଥିବା ୧୨୦ ଡିଗ୍ରୀ ଦୂରତା ମଧ୍ୟରେ ଭିଡିଓ ରେକର୍ଡ କରିପାରିବ । ଏକାଥରକେ କ୍ୟାମେରା ମଧ୍ୟରେ ୬ ଘଣ୍ଟା ଧରି ଭିଡିଓ ରେକର୍ଡ ହୋଇ ରହିପାରିବ । କ୍ୟାମେରାକୁ ଲଗାଇ ଟ୍ରାଫିକ ପୋଲିସ କର୍ମଚାରୀମାନେ ଆଜି ଗୋପାଳପୁର ଛକ ସହିତ ସହରର ୪ଟି ସ୍ଥାନରେ ଡ୍ଯୁଟି କରିଛନ୍ତି । ଆଗାମୀ ଦିନରେ ସହରର ସମସ୍ତ ଟ୍ରାଫିକ ପୋଲିସ କର୍ମଚାରୀମାନଙ୍କ ନିମନ୍ତେ କ୍ୟାମେରା ଅଣାଯିବ ବୋଲି କହିଛନ୍ତି ବ୍ରହ୍ମପୁର ଏସପି ।