ବ୍ରହ୍ମପୁରରେ ଟେନସନ ବଢାଉଛନ୍ତି ବୁଲା ଗୋରୁଗାଈ ଓ କୁକୁର

ବ୍ରହ୍ମପୁର : ଟେନସନ୍ ବଢାଉଛନ୍ତି ବୁଲା ଗୋରୁଗାଈ ଓ କୁକୁର । ରାସ୍ତା ଅବରୋଧ ସହ ବଢୁଛି ଟ୍ରାଫିକ ସମସ୍ଯା । ବଢୁଛି ଦୁର୍ଘଟଣା, ବିଗୁଡୁଛି ଟ୍ରାଫିକ ସମସ୍ୟା । ପଦକ୍ଷେପ ନେବାକୁ ଅଣ୍ଟା ଭିଡ଼ିଛି ବ୍ରହ୍ମପୁର ମହାନଗର ନିଗମ । ଏନେଇ BEMC ବୈଠକରେ ଉଦବେଗ ପ୍ରକାଶ ପାଇବା ପ୍ରକାଶ ପାଇବା ପରେ କଡ଼ା ପଦକ୍ଷେପ ନିଆଯାଇଛି । ନିଗମ ଅଞ୍ଚଳରେ ୨୪ ଘଣ୍ଟିଆ ପଶୁ ଆମ୍ବୁଲାନ୍ସ ସେବା ଯୋଗାଇ ଦେବା ସହ ଗୋରୁଗାଈଙ୍କୁ ରାସ୍ତାରେ ନଛାଡ଼ିବା ପାଇଁ ମାଲିକଙ୍କୁ ତାଗିଦ୍ କରିଛନ୍ତି ନିଗମ କର୍ତ୍ତୃପକ୍ଷ । ଏହାକୁ ଖିଲାପ କଲେ ଗୋରୁଗାଈଙ୍କୁ ରାସ୍ତାରୁ ଉଠାଇ ନେଇ କାଞ୍ଜିଆହୁଦା ଠାରେ ରଖାଯିବ ବୋଲି କୁହାଯାଇଛି । ୧୫ ଦିନ ମଧ୍ୟରେ ସେଠାରୁ ନିଜ ଗୋରୁଗାଈଙ୍କୁ ନେବାପାଇଁ ମାଲିକଙ୍କୁ ୨ ହଜାର ଟଙ୍କା ଟଙ୍କା ଜରିମାନା ଦେବାକୁ ହେବ । ଅନ୍ୟଥା ଉକ୍ତ ଗୋରୁଗାଈଙ୍କୁ ଗୋଶାଳାକୁ ହସ୍ତାନ୍ତର କରାଯିବ ବୋଲି ଚତାବନୀ ଦିଆଯାଇଛି ।

ସେହିପରି ଦିନକୁ ଦିନ ଦିନ ବୃଦ୍ଧି ପାଉଥିବା ବୁଲା କୁକୁରଙ୍କ ପ୍ରାଦୁର୍ଭାବକୁ ରୋକିବା ପାଇଁ ମହାନଗର ନିଗମ ପକ୍ଷରୁ ନିଆଯାଇଛି ପଦକ୍ଷେପ । କୁକୁର ଧରିବା ଗାଡ଼ିରେ ସେମାନଙ୍କୁ ଉଠାଇ ନେଇ ପଶୁ ଚିକିତ୍ସାଳୟରେ ଥିବା ଡଗ୍ କେନେଲରେ ରଖି ବନ୍ଧ୍ୟାକରଣ କରାଯିବ । ସପ୍ତାହକୁ ୪ଦିନ ସହରରେ ଜାରି ରହିବ କୁକୁର ବନ୍ଧ୍ଯାକରଣ ଅଭିଯାନ । ଏହି କାର୍ଯ୍ୟରେ ଯେକୌଣସି ବ୍ୟକ୍ତି ଖିଲାପ କଲେ ତାଙ୍କ ବିରୋଧରେ ଦୃଢ଼ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଚେତାବନୀ ଦେଇଛନ୍ତି BEMC କମିଶନର । ମେୟରଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ BEMC କମିଶନରଙ୍କ ସମେତ କମିଟିର ଅନ୍ୟ ସଦସ୍ୟମାନେ ଉପସ୍ଥିତ ଥିଲେ ।