ପାର୍କିଂକୁ ନେଇ ମାଆ, ପୁଅଙ୍କୁ ମରଣାନ୍ତକ ଆକ୍ରମଣ ଘଟଣା, ଶେଷରେ ଆଖି ବୁଜିଦେଲେ ମାଆ
ବ୍ରହ୍ମପୁର: ଆଖି ବୁଜିଲେ ବ୍ରହ୍ମପୁରର ମୀନାକ୍ଷୀ ମିଶ୍ର। ଭୁବନେଶ୍ୱରର ଏକ ଘରୋଇ ହସପିଟାଲରେ ତାଙ୍କର ମୃତ୍ୟୁ ହୋଇଛି। ଗତ ୧୪ ତାରିଖରେ କଟକ ଏସସିବିରୁ ଭୁବନେଶ୍ୱରର ଏକ ଘରୋଇ ହସପିଟାଲକୁ ତାଙ୍କୁ ସ୍ଥାନାନ୍ତର କରାଯାଇଥିଲା। ପୁଅର ଗିରଫଦାରୀ ପ୍ରତିବାଦରେ ମୀନାକ୍ଷୀ ପୋଲିସ ଡିଜି ଓ ଏସପିଙ୍କୁ ଭେଟିଥିଲେ । ହେଲେ କୈାଣସି ସୁଫଳ ନମିଳିବାରୁ ଏସପି ଅଫିସ ସାମନାରେ ଦେହରେ କିରୋସିନ ଢାଳି ଆତ୍ମହତ୍ୟା ଉଦ୍ୟମ କରିଥିଲେ।
ମୀନାକ୍ଷୀଙ୍କ ଶରୀରର ୯୫ପ୍ରତିଶତ ପୋଡ଼ି ହୋଇଯାଇଥିଲା। ଗତ ୨୭ ତାରିଖରେ ବୈଦ୍ୟନାଥପୁର ଥାନା ପଣ୍ଡା କଲୋନୀରେ ମରଣାନ୍ତକ ଆକ୍ରମଣର ଭିଡିଓ ସିସିଟିଭିରେ କଏଦ ହୋଇଥିଲା। ବ୍ୟାଟ୍ ଓ ଖଣ୍ଡାରେ ମୀନାକ୍ଷୀ ଓ ତାଙ୍କ ପୁଅ କୃତ୍ତିବାସଙ୍କୁ ମରଣାନ୍ତକ ଆକ୍ରମଣ ହୋଇଥିଲା।
ଆକ୍ରମଣକାରୀଙ୍କୁ ଅଟକାଇବାକୁ ଯାଇ ମୀନକ୍ଷୀ ମଧ୍ୟ ଆହତ ହୋଇଥିଲେ । ରକ୍ତଜୁଡୁବୁଡୁ ଅବସ୍ଥାରେ ଉଭୟଙ୍କୁ ବ୍ରହ୍ମପୁର ବଡ଼ ମେଡିକାଲ୍କୁ ନିଆଯାଇଥିଲା । ଘଟଣାରେ ପୋଲିସ ୪ ଆକ୍ରମଣକାରୀଙ୍କୁ ଗିରଫ କରିଥିଲା। ପରେ ପୋଲିସ ମୀନାକ୍ଷୀଙ୍କ ପୁଅକୁ ଗିରଫ କରିଥିଲା।
