ମଣିଷ ଶରୀରକୁ ବିଭିନ୍ନ ପ୍ରକାରର ଭିଟାମିନ୍ ଏବଂ ମିନେରାଲ୍ସ ଆବଶ୍ୟକ । ଯାହା ଖାଦ୍ୟ ମାଧ୍ୟମରେ ଶରୀରକୁ ମିଳିଥାଏ । ତେବେ ପୋଷକର ମାଧ୍ୟମ ହେଉଛି ଫଳ, ପନିବରିବା, ଅଣ୍ଡା ଓ ମାଂସ । ଏ ସବୁରୁ ପ୍ରଚୁର ପୋଷକ ତତ୍ତ୍ୱ ମିଳିଥାଏ । ଠିକ୍ ସେହିଭଳି ମେଥି । ଏହାକୁ ରୋଷଇରେ ବ୍ୟବହାର କରାଯାଏ । କିନ୍ତୁ ଏହା ଔଷଧ ଭଳି ମଧ୍ୟ କାମ କରେ ।ମେଥି ଦାନାରେ ଫାଇବର, ଭିଟାମିନ୍ ଏ ଏବଂ ଭିଟାମିନ୍ ଡି ଭରପୂର ରହିଥାଏ। ମେଥିରେ ପର୍ଯ୍ୟାପ୍ତ ପରିମାଣର ଫାଇବର ରହିଥାଏ। ଏହା ହଜମକୁ ଉନ୍ନତ କରିଥାଏ ଏବଂ ଶରୀରରେ ଜମା ହୋଇଥିବା ବିଷାକ୍ତ ପଦାର୍ଥକୁ ବାହାର କରିବାରେ ସାହାଯ୍ୟ କରିଥାଏ। ଏହା ମଧୁମେହ ନିୟନ୍ତ୍ରଣ କରିଥାଏ। ତେବେ ଜାଣନ୍ତୁ କେଉଁ ଉପାୟରେ ମେଥି ଖାଇବା ଦ୍ୱାରା ଆପଣଙ୍କୁ ଅଧିକ ଲାଭ ମିଳିଥାଏ।
ମେଥି ଦାନା ଏବଂ ମହୁ:
ମେଥି ଏବଂ ମହୁ ଖାଇବା ଆପଣଙ୍କ ପାଇଁ ଲାଭଦାୟକ ହୋଇଥାଏ। ଏହା ଓଜନ ହ୍ରାସ କରିବାରେ ସାହାଯ୍ୟ କରିଥାଏ। ମହୁକୁ ଇମ୍ୟୁନିଟି ବୁଷ୍ଟର ଭାବରେ ବିବେଚନା କରାଯାଏ। ଏହା କ୍ୟାଲୋରୀ କମ୍ ହୋଇଥାଏ, ଯାହା ଓଜନ ନିୟନ୍ତ୍ରଣରେ ସାହାଯ୍ୟ କରିଥାଏ। ମେଥିକୁ ପେଶି ଗୁଣ୍ଡ ପ୍ରସ୍ତୁତ କରନ୍ତୁ ଏବଂ ଏକ ଚାମଚ ମହୁ ମିଶାଇ ଏହାକୁ ଖାଆନ୍ତୁ ।
ଗଜା ହୋଇଥିବା ମେଥି:
ଗଜା ହୋଇଥିବା ମେଥି ଖାଇବା ଦ୍ୱାରା ଅନେକ ଲାଭ ମିଳିଥାଏ। ଗଜା ମେଥିରେ ପୋଷକ ତତ୍ତ୍ୱ ଅଧିକ ରହିଥାଏ। ଏହା ସହଜରେ ହଜମ ହୋଇଯାଏ। ପ୍ରତିଦିନ ସକାଳେ ଖାଲି ଖାଆନ୍ତୁ ।
ମେଥି ପାଣି:
ଓଜନ କମାଇବା ପାଇଁ ସକାଳେ ଖାଲି ପେଟରେ ମେଥି ପାଣି ପିଇ ପିଅନ୍ତୁ। ଏଥିପାଇଁ ଏକ ଚାମଚ ମେଥିକୁ ରାତିରେ ପାଣିରେ ଭିଜାନ୍ତୁ। ସକାଳେ ଏହାକୁ ଛାଣି ତାହାର ପାଣିକୁ ପିଅନ୍ତୁ।
ଏସବୁ ଉପାୟ ଆପଣାଇବା ଦ୍ୱାରା ଅନେକ ଶାରୀରିକ ସମସ୍ୟାର ସମାଧାନ ହୋଇଯାଏ ।
