ଲୋକପ୍ରିୟ ଅଭିନେତ୍ରୀ ଏଣ୍ଡ୍ରିଲା ଶର୍ମାଙ୍କ ଦେହାନ୍ତ

କୋଲକାତା: ବଙ୍ଗାଳୀ ଫିଲ୍ମ ଇଣ୍ଡଷ୍ଟ୍ରିର ଲୋକପ୍ରିୟ ଅଭିନେତ୍ରୀ ଏଣ୍ଡ୍ରିଲା ଶର୍ମାଙ୍କ ଦେହାନ୍ତ ହୋଇଛି । କାର୍ଡିଆକ୍ ଆରେଷ୍ଟ ଯୋଗୁଁ ଅଭିନେତ୍ରୀଙ୍କର ମୃତ୍ୟୁ ଘଟିଛି। ମୃତ୍ୟୁ ବେଳକୁ ତାଙ୍କୁ ୨୪ ବର୍ଷ ବୟସ ହୋଇଥିଲା । ଯାହାକୁ ନେଇ ଫିଲ୍ମ ଜଗତରେ ଶୋକର ଛାୟା ଖେଳିଯାଇଛି ।

ଦୀର୍ଘଦିନ ହେବ ଅଭିନେତ୍ରୀ ଜଣକ ଅସୁସ୍ଥ ହୋଇ ଚିକିତ୍ସାରତ ଥିଲେ । ହାର୍ଟ ଆଟାକ୍ ପରେ ଡାକ୍ତର ତାଙ୍କୁ କାର୍ଡିୟୋପଲ୍ମୋନରୀ ରିସସିଟେସନ୍ (ସିପିଆର୍) ଦେଇଥିଲେ । ଧିରେଧିରେ ସ୍ୱାସ୍ଥ୍ୟବସ୍ଥା ସଙ୍କଟାପନ୍ନ ହେବା ସହ ତାଙ୍କର ଦେହାନ୍ତ ହୋଇଥିଲା ।

ନଭେମ୍ବର ୧ରେ  ଏଣ୍ଡ୍ରିଲାଙ୍କୁ ଅଚେତ ଅବସ୍ଥାରେ ମେଡିକାଲରେ ଭର୍ତ୍ତି କରାଯାଇଥିଲା । ପରେ ନଭେମ୍ବର ୧୫ ବେଳକୁ ତାଙ୍କୁ Cardiac arrest ହୋଇଥିଲା । ଯାହା ପରେ ସ୍ୱାସ୍ଥ୍ୟବସ୍ଥା ବିଗିଡିବାରୁ ଭେଣ୍ଟିଲେଟରରେ ରଖାଯାଇଥିଲା। ଏପରିକି ବ୍ରେନ୍ ଷ୍ଟ୍ରୋକ୍ ଯୋଗୁଁ ମୁଣ୍ଡରେ ବ୍ଲଡ୍ କ୍ଲଟ୍ ହୋଇଥିଲା । ପରେ ପରେ ମଲ୍ଟିପଲ୍ cardiac arrest ହେବାରୁ ତାଙ୍କର ନିଧନ ହୋଇଥିବା ମେଡିକାଲ୍ ପକ୍ଷରୁ ସୂଚନା ମିଳିଛି ।

ଦୁଇ ଦୁଇଥର କ୍ୟାନ୍ସରକୁ ହରାଇଥିଲେ-

ଏହି ଅଭିନେତ୍ରୀଙ୍କୁ ଦୁଇ ଦୁଇଥର କ୍ୟାନ୍ସର ହୋଇଥିଲା। ସେ କେମୋଥେରାପି ସେସନ୍ ମଧ୍ୟ ନେଇଥିଲେ । କେମୋଥେରାପି ପରେ ଡାକ୍ତର ତାଙ୍କୁ କ୍ୟାନ୍ସର ଫ୍ରି ବୋଲି ଘୋଷଣା କରିଥିଲେ। କିନ୍ତୁ ପରେ ସେ ପୁଣି ଅସୁସ୍ଥ ହୋଇପଡିଥିଲେ ।