ସରକାର ବଦଳିବା ପରେ ମିଳିନୁ ହରିଶ୍ଚନ୍ଦ୍ର ଯୋଜନାର ଅର୍ଥ ରାଶି, ଅସନ୍ତୋଷ ପ୍ରକାଶ କଲେ ସରପଞ୍ଚ

ଯାଜପୁର: ସରକାର ବଦଳିବା ପରେ ମିଳିନୁ ହରିଶ୍ଚନ୍ଦ୍ର ଯୋଜନାର ଅର୍ଥ ରାଶି। ଯାହାକୁ ନେଇ ଅସନ୍ତୋଷ ପ୍ରକାଶ କରିଛନ୍ତି ବିଭିନ୍ନ ପଞ୍ଚାୟତର ସରପଞ୍ଚ । ଏଭଳି ଘଟଣା ଦେଖିବାକୁ ମିଳିଛି ଯାଜପୁର ଜିଲ୍ଲା ବିଞ୍ଝାରପୁର ବ୍ଲକରେ।

ଅଭିଯୋଗ ଅନୁଯାୟୀ, ସରକାରଙ୍କ ନିୟମ ଅନୁଯାୟୀ ସମସ୍ତ ପଞ୍ଚାୟତରେ ରିଭୋଲଭିଙ୍ଗ ଫଣ୍ଡରେ ପନ୍ଦର ହଜାର ଟଙ୍କା ରହିବା କଥା ଯେଉଁଥିରୁ ସରପଞ୍ଚମାନେ ମୃତ ବ୍ୟକ୍ତିଙ୍କ ଅନ୍ତିମ ସଂସ୍କାର ପାଇଁ ଅର୍ଥ ପ୍ରଦାନ କରିପାରିବେ। କିନ୍ତୁ ବିଜେଡି ଶାସନ ଯିବାପରେ ଟଙ୍କା ମିଳୁନଥିବା ଅଭିଯୋଗ କରିଛନ୍ତି ସରପଞ୍ଚ। ଆବେଦନ କରିବାର ତିନି ମାସରୁ ଉର୍ଦ୍ଧ୍ୱ ସମୟ ବିତିଥିଲେ ସୁଦ୍ଧା ମିଳିପାରୁନି ଟଙ୍କା। କେତେକ ସ୍ଥାନରେ ସରପଞ୍ଚ ନିଜ ହାତରୁ ପଇସା ଦେଇଥିଲେ ସୁଦ୍ଧା ଏପର୍ଯ୍ୟନ୍ତ ପଇସା ପାଇପାରୁ ନାହାଁନ୍ତି । ତେଣୁ ରାଜ୍ୟ ସରକାର ଓ ସ୍ଥାନୀୟ ପ୍ରଶାସନ ଏଥିପ୍ରତି ଦୃଷ୍ଟି ଦେବାକୁ ସରପଞ୍ଚମାନେ ଦାବି କରିଛନ୍ତି ।