ହେଲିକପ୍ଟର ପଛରେ ସେଲଫି ନେବାବେଳେ ରୋଟର ବ୍ଲେଡରେ କଟିଗଲା ଶରୀର

ଡେରାଡୁନ: କେଦାରନାଥ ଯାତ୍ରା ଆରମ୍ଭ ହେବା ପୂର୍ବରୁ ଉତ୍ତରାଖଣ୍ଡରେ ବଡ଼ ଅଘଟଣ ଘଟିଛି। ମହଙ୍ଗା ପଡ଼ିଛି ସେଲଫି ନେବା । କେଦାରନାଥ ଧାମ ହେଲିପ୍ୟାଡରେ ଅଘଟଣ । ହେଲିକପ୍ଟର ପଛରେ ସେଲଫି ନେବାବେଳେ ରୋଟର ବ୍ଲେଡରେ କଟିଗଲା ଶରୀର । ପ୍ରାଣ ହରାଇଲେ ଉତ୍ତରାଖଣ୍ଡ ବେସାମରିକ ବିକାଶ କର୍ତ୍ତୃପକ୍ଷଙ୍କ ଜଣେ ଅଧିକାରୀ । ଅଧିକାରୀଜଣକ ହେଲେ ବେସାମରିକ ବିକାଶ କର୍ତ୍ତୃପକ୍ଷଙ୍କ ଅର୍ଥନୈତିକ ନିୟନ୍ତ୍ରକ ଜିତେନ୍ଦ୍ର କୁମାର ସଇନି । ହେଲିକପ୍ଟରର ରୋଟର ବ୍ଲେଡଟି ଘୂରୁଥିବା ସତ୍ତ୍ବେ ସେ ସେଲଫି ନିଶାରେ ବ୍ଲେଡ ନିକଟକୁ ଚାଲିଆସିଥିଲେ । ଫଳରେ ବ୍ଲେଡରେ ତାଙ୍କ ଶରୀର କଟିଯିବାରୁ ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଥିଲା ।