ବଢ଼ୁଛି ଭାଲୁ ମାନଙ୍କର ପ୍ରାଦୁର୍ଭାବ, ଭାଲୁ ଆକ୍ରମଣରେ ଜଣେ ମହିଳା ଗୁରୁତର

ନୂଆପଡ଼ା: ନୂଆପଡ଼ା ଜିଲ୍ଲା ପଲସାପଡା ଗାଁରେ ଭାଲୁ ଆତଙ୍କ । ଭାଲୁ ଆକ୍ରମଣରେ ଜଣେ ମହିଳା ଗୁରୁତର ହୋଇ ମେଡିକାଲରେ ଭତ୍ତି ହୋଇଛନ୍ତି । ସୂଚନା ଅନୁଯାୟୀ ଆଜି ସକାଳୁ ସେହି ଗାଁର ଜଣେ ମହିଳା ନଦୀକୁ ଗାଧୋଇ ବାକୁ ଯାଉଥିବା ସମୟରେ ଆକ୍ରମଣ କରିଥିଲା ଭାଲୁ । ଫଳରେ ମହିଳା ଜଣକ ବହୁ ଜୋରରେ ଚିତ୍କାର କରିଥିଲେ ।

ମହିଳାଙ୍କ ଚିତ୍କାର ଶୁଣି ଗାଁ ଲୋକେ ଭାଲୁ ନିକଟରୁ ମହିଳାଙ୍କୁ ଉଦ୍ଧାର କରିଥିବା ବେଳେ ମହିଳା ଜଣକ ଆହତ ହୋଇଛନ୍ତି । ଏବଂ ଆହତ ମହିଳାଙ୍କୁ ମେଡିକାଲରେ ଭର୍ତ୍ତି କରାଯାଇଛି । ସେପଟେ ପଲସାପଡାରୁ ଭାଲୁକୁ ଘଉଡ଼ାଇବାକୁ ବନବିଭାଗ ପ୍ରୟାସ କରୁଛି  ।