୪୫ ବର୍ଷ ବୟସରେ ୧୬ ବର୍ଷର ଜଲୱା… ଜାଣନ୍ତୁ ଏହି ଅଭିନେତ୍ରୀଙ୍କ ସୌନ୍ଦର୍ଯ୍ୟର ରାଜ

ମୁମ୍ବାଇ:  ବଲିଉଡ ଅଭିନେତ୍ରୀ ଶିଲ୍ପା ସେଟ୍ଟୀ ଆଜି ନିଜ ୪୫ତମ ଜନ୍ମଦିନ ସେଲିବ୍ରେଟ୍ କରୁଛନ୍ତି । ବାଜିଗର ଚଳଚ୍ଚିତ୍ରରୁ ସେ ନିଜ ଫିଲ୍ମି କ୍ୟାରିଅର ଆରମ୍ଭ କରିଥିଲେ। ତାଙ୍କ ପ୍ରଥମ ଫିଲ୍ମରୁ ହିଁ ସେ ଲୋକଙ୍କ ଦିଲରେ ରାଜ କରିଥିଲେ । ଶିଲ୍ପା ବ୍ୟାକ୍ ଟୁ ବ୍ୟାକ୍ ବଲିଉଡକୁ ହିଟ୍ ଫିଲ୍ମ ଦେଇଛନ୍ତି । ତେବେ ବିବାହ ବନ୍ଧନରେ ବାନ୍ଧିହେବା ପରେ ସିନେମା ଜଗତରୁ ଦୂରେଇ ଯାଇଥିବା ଅଭିନେତ୍ରୀ ଶିଲ୍ପା ସେଟ୍ଟୀ ଏବେ ରିଆଲିଟି ସୋରେ ଅଧିକ ଦେଖିବାକୁ ମିଳନ୍ତି। ହେଲେ ତଥାପି ଫ୍ୟାନ୍ସ ତାଙ୍କ ବିଷୟରେ ଜାଣିବା ପାଇଁ ସବୁବେଳେ ଉତ୍ସୁକ ଥାଆନ୍ତି । ସେଥିପାଇଁ ଶିଲ୍ପା ତାଙ୍କ ରିଅଲ ଲାଇଫରେ କଣ ଚାଲିଛି ସେହି ବିଷୟରେ ସୋସିଆଲ ମିଡିଆ ମାଧ୍ୟମରେ ଦର୍ଶକଙ୍କୁ ଜଣାନ୍ତି । ତାଙ୍କ ଫିଟନେସ ଭିଡିଓର ବହୁତ ଫ୍ୟାନ୍ସ ଅଛନ୍ତି ।

ଶିଲ୍ପା କେବଳ ଜଣେ ଚର୍ଚ୍ଚିତ ଅଭିନେତ୍ରୀ ନୁହଁନ୍ତି ବରଂ ସେ ସେତିକି ସୁନ୍ଦର ଓ ଫିଟ୍ ମଧ୍ୟ । ତାଙ୍କ ବୟସରେ ମହିଳାମାନେ ନିଜର ଏତେ ଯତ୍ନ ରଖିପାରନ୍ତି ନାହିଁ । ହେଲେ, ଶିଳ୍ପାଙ୍କ ଚେହେରା ଏହି ବୟସରେ ମଧ୍ୟ ଖୁବ ଗ୍ଲୋ କରେ । ଶିଲ୍ପା ନିଜ ସୌନ୍ଦର୍ଯ୍ୟ ଓ ଫିଟନେସ୍‌ ପାଇଁ ସବୁବେଳେ ଚର୍ଚ୍ଚାରେ ଥାଆନ୍ତି। ସେ ନିଜ ଫିଟନେସ୍ ସହ ନିଜ ସ୍କିନ୍ ଓ ତ୍ୱଚା ବହୁତ ଯତ୍ନ ନିଅନ୍ତି । ଯେଉଁଥିପାଇଁ ଦର୍ଶକମାନେ ମଧ୍ୟ ଆଶ୍ଚର୍ଯ୍ୟ । ତେବେ ଶିଲ୍ପାଙ୍କ ବ୍ୟୁଟି ଟିପ୍ସ ଉପରେ ନଜର ପକାନ୍ତୁ ।

୧- ଶିଲ୍ପାଙ୍କ ଅନୁସାରେ ସୁସ୍ଥ ଖାଦ୍ୟ ଖାଇବା ଏବଂ ଶରୀରକୁ ହାଇଡ୍ରେଟ୍ ରଖିବା ଅତ୍ୟନ୍ତ ଜରୁରୀ । ସେ ପ୍ରଚୁର ପାଣି ପିଅନ୍ତି, ଯାହା ଶରୀରର ବିଷାକ୍ତ ପଦାର୍ଥ ବାହାର କରିବାରେ ସାହାଯ୍ୟ କରେ । ନିଜ ସ୍କିନ୍ ଏବଂ କେଶ ପାଇଁ ଅଁଳା ବ୍ୟବହାର କରିବା ଜରୁରୀ । ସେ ବିଶ୍ୱାସ କରନ୍ତି ଯେ ସୁନ୍ଦର ଦେଖାଯିବା ପାଇଁ ସବୁବେଳେ ନଡ଼ିଆ ପାଣ ପିଇବା ଆବଶ୍ୟକ କାରଣ ଏହା ଶରୀରକୁ ହାଇଡ୍ରେଟ୍ ଏବଂ ସୁସ୍ଥ ରଖେ ।

୨- ତାଙ୍କ ଅନୁସାରେ ଉଜ୍ଜ୍ୱଳ ତ୍ୱଚା ପାଇଁ ସ୍କିନ୍ ମଇଚ୍ସରାଇଜ୍ କରିବା ଜରୁରୀ ।

୩- ଶିଲ୍ପା ସେଟ୍ଟୀ ଶୋଇବା ପୂର୍ବରୁ ପ୍ରତିଦିନ ଚେହେରା କ୍ଲିନ୍ କରି ଶୁଅନ୍ତି । ସ୍କିନ୍ ରେ ସବୁବେଳେ ମେକ୍ଅପ୍ ରହିଲେ ଏହା ତ୍ୱଚାର କୋମଳତାକୁ କମ କରେ । ଏହା ସହ ତ୍ୱଚା ସମ୍ବନ୍ଧୀୟ ସମସ୍ୟା ମଧ୍ୟ ହୋଇପାରେ । ତେଣୁ ପ୍ରତି ଚେହେରା କ୍ଲିନ୍ କରିବା ଜରୁରୀ ।

୪- ସେ ପ୍ରତି ଦିନ ସନସ୍କ୍ରିନ୍ ଲଗାଇ ଘରୁ ବାହାରନ୍ତି । ଯେଉଁଥିପାଇଁ ସୂର୍ଯ୍ୟ କିରଣରୁ ତାଙ୍କ ତ୍ୱଚା ସୁରକ୍ଷିତ ରୁହେ ।

୫- ଶିଲ୍ପା ନିଜ କେଶରେ କେବେ ହିଟ୍ ଟ୍ରିଟମେଣ୍ଟ ବ୍ୟବହାର କରନ୍ତି ନାହିଁ । ସେ ନିଜ କେଶର ଖୁବ ଯତ୍ନ ନିଅନ୍ତି ।

୬- ସେ ନିଜ ଚେହେରାରେ କେବେ ସାବୁନ୍ ଲଗାନ୍ତି ନାହିଁ ।