ଆତଙ୍କ ମଚାଇଛି ଭାଲୁ: ସପ୍ତାହେ ହେଲା ପଶୁଛି ଲୋକଙ୍କ ଘରେ

ନବରଙ୍ଗପୁର: ଆତଙ୍କ ଖେଳାଇଛି ଭାଲୁ । ସପ୍ତାହେ ହେଲା ପଶୁଛି ଲୋକଙ୍କ ଘରେ । ପୂରା ଅଞ୍ଚଳରେ ଭାଲୁକୁ ନେଇ ଭୟର ବାତାବରଣ । ଘରୁ ବାହାରିବାକୁ ଡରୁଛନ୍ତି ଲୋକେ । ଏମିତି ଘଟଣା ଦେଖିବାକୁ ମିଳିଛି ନବରଙ୍ଗପୁର ବ୍ଲକ ଭତରାସିଉନି ଗାଁରେ ।

ଅଭିଯୋଗ ଅନୁସାରେ, ଗତ ଏକ ସପ୍ତାହ ହେଲେ ଭାଲୁଟି ଭତରାସିଉନି ଗାଁରେ ଆତଙ୍କ ସୃଷ୍ଟି କରିଛି । ୪ ଦିନ ପୂର୍ବେ ଗାଁରେ ଏକ ମେଣ୍ଡାକୁ ମାରି ଥିବା ମଧ୍ୟ ଅଭିଯୋଗ ହୋଇଛି । ଯାହାକୁ ନେଇ ଗ୍ରାମବାସୀ ଭୟଭୀତ ଥିବା ଦେଖିବାକୁ ମିଳିଛି ।

ସେହିଭଳି ନବରଙ୍ଗପୁର ସହରର ମଧ୍ୟ ଭାଗରେ ଥିବା ମିଶନ କମ୍ପାଉଣ୍ଡରେ ମଧ୍ୟ ଭାଲୁ ବୁଲୁଥିବାର ଭିଡିଓ ସାମ୍ନାକୁ ଆସିଛି । ଯାହାକୁ ନେଇ ଲୋକେ ଭୟଭୀତ ଅଛନ୍ତି । ଦିନକୁ ଦିନ ଜଙ୍ଗଲ କ୍ଷୟ, ଜଙ୍ଗଲରେ ନିଆଁ ଓ ଖାଦ୍ୟ ସଂଗ୍ରହ ପାଇଁ ବନ୍ୟଜନ୍ତୁ ଗାଁ ମୁହାଁ ହେଉଛନ୍ତି ।