କାବୁ ହେଲା ହିଂସ୍ର ଭାଲୁ: ଗତକାଲି ଠାରୁ ଆତଙ୍କ ଖେଳାଇଥିଲା
1 min read
ଆନନ୍ଦପୁର: କାବୁ ହେଲା ହିଂସ୍ର ଭାଲୁ । ହିଂସ୍ର ଭାଲୁ ଆକ୍ରମଣରେ ଦୁଇଜଣ ଗୁରୁତର । ଆନନ୍ଦପୁର ବନଖଣ୍ଡ ଅଧିନ ବରାଙ୍ଗ ସଂରକ୍ଷିତ ଜଙ୍ଗଲରୁ ଏକ ହିଂସ୍ର ଭାଲୁ ଗତକାଲିଠୁ ଆତଙ୍କ ସୃଷ୍ଟି କରିଛି । ବହୁ ଉଦ୍ୟମ ପରେ ଭାଲୁ ଟିକୁ କାବୁ କରିଛି ଜଙ୍ଗଲ ବିଭାଗ । ଗତକାଲି ଭାଲୁଟି ଜଙ୍ଗଲ ବିଭାଗ କର୍ମଚାରୀଙ୍କ ବାଇକ ଟିକୁ ଘୋଷାରି ଜଙ୍ଗଲ ଭିତରକୁ ନେଉଥିବାର ଦୃଶ୍ୟ ସାମ୍ନା କୁ ଆସିଥିଲା । ଆଜି ଭାଲୁଟି ପୁରୁଣାବାନ୍ଦଗୋଡା ଗାଁ ଭିତରେ ପଶି ଦୁଇ ଜଣଙ୍କୁ ଆକ୍ରମଣ କରି କ୍ଷତାକ୍ତ କରିଥିଲା । ଗାଁର ସୁଧାଂଶୁ ପଟ୍ଟନାୟକ ଓ ତାଙ୍କ ମାମୁଁ ଗୋଲକ ବେହେରା ଶୌଚ ପାଇଁ ବାହାରକୁ ବାହାରି ଥିବା ବେଳେ ଭାଲୁ ଆକ୍ରମଣର ଶିକାର ହୋଇଛନ୍ତି । ଆହତ ଦୁଇଜଣଙ୍କୁ ସାଇଁକୁଳ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି । ଆନନ୍ଦପୁର ବନବିଭାଗ ଦ୍ୱାରା ଏକ ସ୍ୱତନ୍ତ୍ର ଟିମ ଗଠନ କରାଯାଇ ଭାଲୁ ଟିକୁ କାବୁ କରାଯାଇଛି ।
