ଆଶ୍ଚର୍ଯ୍ୟ ହେଲେ ବି ସତ, ଗାଈଗୋରୁ ଖାଉଛନ୍ତି ମାଛ ମାଉଁସ

1 min read

ଗାଈଗୋରୁ ସାଧାରଣତଃ ଶାକାହାରୀ, ମାଂସାହାରୀ ନୁହଁନ୍ତି । ଗାଈଗୋରୁ ମାଛ ମାଉଁସ ଖାଉଥିବା କଥା ଶୁଣି ଆପଣ ନିହାତି ଆଶ୍ଚର୍ଯ୍ୟ ହୋଇଯାଉଥିବେ । କିନ୍ତୁ କଥାଟା ପୂରାପୂରି ସତ । ଗୋଆରେ ଏମିତି ଗାଈଗୋରୁ ଅଛନ୍ତି ଯେଉଁମାନେ ମାଂସାହାରୀ । ସାତ୍ତ୍ୱିକ ଖାଦ୍ୟ ସେମାନଙ୍କୁ ରୁଚୁନି । ପର୍ଯ୍ୟଟନରେ ସମୃଦ୍ଧ ଗୋଆର ବୁଲା ଗାଈଗୋରୁଙ୍କ ଏହି ଅଭ୍ୟାସ ଆପଣଙ୍କୁ ଚକିତ କରିଦେବ । କିନ୍ତୁ କାହିଁକି ସେମାନେ ମାଛ ମାଉଁସ ଖାଉଛନ୍ତି ତାହା ବି ଆଉ ଏକ ଆଶ୍ଚର୍ଯ୍ୟର କଥା ।

ଗୋଆ ବେଳାଭୂମିରେ ମାଳ ମାଳ ଗାଈଗୋରୁ ବୁଲୁଥିବା ଦେଖାଯାଏ । ବୁଲାଗାଈଗୋରୁ କେବଳ ଖାଦ୍ୟ ଉଦ୍ଦେଶ୍ୟରେ ହିଁ ବାହାରେ ବୁଲନ୍ତି । କିନ୍ତୁ ଗୋଆ ଭଳି ବେଳାଭୂମିରେ ଘାସ ମିଳେ ନାହିଁ । ତେଣୁ ସେମାନେ ଘାସ ଖାଇପାରନ୍ତି ନାହିଁ ।କିନ୍ତୁ ମାଛ ଓ ଚିକେନ୍ ସହଜରେ ଉପଲବ୍ଧ । ଗୋଆ ବେଳାଭୂମିରେ ଥିବା ଫୁଡ୍ ଭେଣ୍ଡୋରମାନେ ଯେଉଁ ବର୍ଜିତ ଖାଦ୍ୟକୁ ଫିଙ୍ଗି ଦିଅନ୍ତି ବା ପର୍ଯ୍ୟଟକମାନେ ଯେଉଁ ଖାଦ୍ୟକୁ ଫିଙ୍ଗି ଦିଅନ୍ତି ଗୋରୁ ତାକୁ ହିଁ ଖାଆନ୍ତି । ସେମାନେ ଏହି ଖାଦ୍ୟ ସହ ଏଭଳି ଅଭ୍ୟସ୍ତ ହୋଇଯାଇଛନ୍ତି ଯେ, ଶାକାହାରୀ ଖାଦ୍ୟ ଦେଲେ ଖାଉନାହାନ୍ତି ।ଏହି ଘଟଣା ଗୋଆର ଲୋକପ୍ରିୟ ପର୍ଯ୍ୟଟନସ୍ଥଳୀ କୈଲାଙ୍ଗୁଟରେ ଦେଖିବାକୁ ମିଳିଛି ।

ପ୍ରଶାସନ ଯେତେବେଳେ ବେଳାଭୂମିକୁ ବୁଲା ଗାଈଗୋରୁ ମୁକ୍ତ କରିବାକୁ ପଦକ୍ଷେପ ନେଲା ସେତେବେଳେ ବଡ଼ ଅଡ଼ୁଆ ପରିସ୍ଥିତିର ସାମନା କରିବାକୁ ପଡ଼ିଲା । ଗାଈଗୋରୁଙ୍କୁ ପୁନର୍ବାସ କେନ୍ଦ୍ରକୁ ନିଆଯାଇ ଘାସ ଓ ଅନ୍ୟ ଗୋଖାଦ୍ୟ ଖାଦ୍ୟ ଦିଆଯାଇଥିଲା । ମାତ୍ର ସେମାନେ ଏହାକୁ ଖାଇ ନଥିଲେ । ସେମାନେ କାହିଁକି ଖାଉନାହାନ୍ତି ତାର ତର୍ଜମା ହେବା ପରେ ସତ ପଦାକୁ ଆସିଥିଲା । ମାଂସ ସହିତ ଏହି ଗାଈଗୋରୁ ଏତେ ଅଭ୍ୟସ୍ତ ହୋଇଯାଇଥିଲେ ଯେ, ଅନ୍ୟ ଖାଦ୍ୟ ଖାଇବାକୁ ପ୍ରସ୍ତୁତ ନଥିଲେ ।

ଏହି ଶାକାହାରୀ ଗୋରୁଙ୍କ  ସ୍ୱତନ୍ତ୍ର ଚିକିତ୍ସା ପାଇଁ ରାଜ୍ୟ ସରକାର ପଦକ୍ଷେପ ନେଇଛନ୍ତି । ')}

Leave a Reply