ଅନଲାଇନ ବିବାହ କାର୍ଡ ପାଉଥିଲେ ସାବଧାନ ! ଖାଲି ହୋଇଯାଇପାରେ ବ୍ୟାଙ୍କ୍ ଆକାଉଣ୍ଟ

ଭୁବନେଶ୍ବର : ଅନଲାଇନ ବିବାହ କାର୍ଡ ପାଉଥିଲେ ହୋଇଯାଆନ୍ତୁ ସାବଧାନ। ହଠାତ ଆପଣଙ୍କ ଆକାଉଣ୍ଟରୁ ଖାଲି ହୋଇଯାଇପାରେ ଟଙ୍କା। ସାଇବର ଠକଙ୍କ ପାଖକୁ ଚାଲି ଯାଇପାରେ ଆପଣଙ୍କ ବ୍ୟକ୍ତିଗତ ଭିଡିଓ ଓ ଫଟୋ । ଏନେଇ  ସତର୍କ କରାଇଛି ସାଇବର ପୋଲିସ। APK ଫାଇଲ ମାଧ୍ୟମରେ ସମସ୍ତ ଆକ୍ସସେସ ନେଇଯାଉଛନ୍ତି ସ୍କାମର। ହିମାଚଳପ୍ରଦେଶରେ ଅନେକ ସାଇବର ଠକେଇର ଶିକାର ହେବା ପରେ ଲୋକଙ୍କୁ ସତର୍କ କରାଇଛନ୍ତି ହିମାଚଳ ସରକାର। ଏହି ଖବର ଜଣାପଡିବା ପରେ ଏବେ କମିଶନରେଟ ପୋଲିସ ପକ୍ଷରୁ ଲୋକଙ୍କୁ ଏ ନେଇ ସତର୍କ କରଯାଇଛି । ସାଧାରଣ ଲୋକଙ୍କ ପାଖୁ ଆସୁଥିବା APK ଫାଇଲକୁ ସଚେତନତାର ସହ ବ୍ୟବହାର କରନ୍ତୁ ବୋଲି କହିଛନ୍ତି ଡିସିପି ପିନାକ ମିଶ୍ର । ଏପରିକି ଯଦି ଆପଣ ଠକେଇର ଶିକାର ହେଉଛନ୍ତି, ତେବେ ତୁରନ୍ତ ସାଇବର ଥାନାରେ ଯୋଗାଯୋଗ କରିବାକୁ କହିଛନ୍ତି ଡିସିପି ପିନାକ ମିଶ୍ର ।