ଷ୍ଟ୍ରେଚରରେ ଅସହାୟ ବୃଦ୍ଧାଙ୍କୁ ଆମ୍ବୁଲାନ୍ସ ନିକଟକୁ ବୋହି ଆଣିଲେ ବିଡ଼ିଓ

ନବରଙ୍ଗପୁର : ମାନବିକତା ଦେଖାଇଲେ ବିଡ଼ିଓ । ଷ୍ଟ୍ରେଚରରେ ଅସହାୟ ବୃଦ୍ଧାଙ୍କୁ ବୋହି ଆଣିଲେ ନନ୍ଦାହାଣ୍ଡି ବିଡ଼ିଓ କ୍ଷୀରୋଦ ଚନ୍ଦ୍ର ସାହୁ । ଗତ କିଛିଦିନ ଧରି ଜଣଏ ଅଜଣା ଅସହାୟ ବୃଦ୍ଧ ମାଳିଗୁଡା ଗ୍ରାମର ନଦୀ ତଟରେ  ଭୋକିଲା ଅବସ୍ଥାରେ ପଡିରହିଥିଲେ । ଗ୍ରାମର ଯୁବକମାନେ ଏନେଇ  ବିଡ଼ିଓଙ୍କୁ ଅବଗତ କରାଇଥିଲେ । ଉଦ୍ଧାର ପାଇଁ ଆମ୍ବୁଲାନ୍ସ ଡାକିଥିଲେ । କିନ୍ତୁ ଆଗରେ କାଦୁଅ ଭର୍ତ୍ତି ରାସ୍ତା ଥିବାରୁ ଆମ୍ବୁଲାନ୍ସ ଆଗକୁ ଯାଇପାରି ନଥିଲା । ବିଡ଼ିଓ ପହଞ୍ଚି ଗ୍ରାମର କିଛି ଯୁବକ ଓ ସହକାରୀ ଯନ୍ତ୍ରୀ ଗୋବିନ୍ଦ ଚନ୍ଦ୍ର କହଁରଙ୍କ ସହ ମିଶି ନିଜେ ଷ୍ଟ୍ରେଚରରେ ନଦୀ ପଠାରୁ ବୃଦ୍ଧଙ୍କୁ ବୋହି ବୋହି  ଆମ୍ବୁଲାନ୍ସ ନିକଟକୁ ଆଣିଥିଲେ । ବୃଦ୍ଧଙ୍କୁ ନବରଙ୍ଗପୁର ଜିଲ୍ଲା ମୂଖ୍ୟ ଚିକିତ୍ସାଳୟକୁ ପଠାଇଥିଲେ । ବୃଦ୍ଧ ଜଣକ ସୁସ୍ଥ ହେବା ପରେ ତାଙ୍କ ପରିବାର ସହିତ ଯୋଗାଯୋଗ କରାଯିବ ବୋଲି କହିଛନ୍ତି ବିଡ଼ିଓ ।