ଦରବୃଦ୍ଧି, ବେକାରୀ ପ୍ରସଂଗରୁ ନଜର ହଟାଇବାକୁ ବିଜେପି ହୀନ ରାଜନୀତି କରୁଛି: ବିଜେଡ

ଭୁବନେଶ୍ୱର: ଖାଉଟି ସାମଗ୍ରୀର ଦରବୃଦ୍ଧି, ଚାଷୀଙ୍କ ଆକ୍ରୋଶ, ବେକାରୀ ପ୍ରସଙ୍ଗରୁ ନଜର ହଟାଇବାକୁ ବିଜେପିର ହୀନ ରାଜନୀତି । ମମିତା ମେହେର ହତ୍ୟା ମାମଲାକୁ ମୁଦ୍ଦା କରି ରାଜନୀତି ପାଇଁ ନିମ୍ନ ସ୍ତରକୁ ଖସୁଛି ବିଜେପି । ବିଜେପିର ଆଜିର ସାମ୍ୱାଦିକ ସମ୍ମିଳନୀ ପୁଣିଥରେ ପ୍ରମାଣିତ କରିଛି ଯେ, ବିଜେପି ନେତାମାନେ ରାଜନୀତିରେ ତିଷ୍ଠି ରହିବା ପାଇଁ କିଭଳି  ଟିଭିରେ ମୁହଁ ଦେଖାଇବାକୁ ପରସ୍ପର ସହ ପ୍ରତିଦ୍ୱନ୍ଦ୍ୱିତା କରୁଛନ୍ତି ।

ଏମାନଙ୍କ ପ୍ରକୃତ ଉଦ୍ଦେଶ୍ୟ ପୀଡ଼ିତାକୁ ନ୍ୟାୟ ଦେବା ନୁହେଁ ବରଂ ଟିଭିରେ  ଦେଖାଦେବା ବୋଲି କହିଛନ୍ତି ବିଜେଡି ମୁଖପାତ୍ର ଚିନ୍ମୟ ସାହୁ ।  ନିଜ ସ୍ୱାର୍ଥ ଜଡ଼ିତ ରାଜନୈତିକ ଲାଭ ପାଇଁ ସମ୍ବେଦନଶୀଳ ପ୍ରସଙ୍ଗରେ ରାଜନୀତିକରଣ କରିବା ନିନ୍ଦନୀୟ । ବିଜେପି ନେତା ପାଇଲାନି ଯେ ହତ୍ୟା ମାମଲାରେ ଜଡ଼ିତ ଅପରାଧୀ ଇରାସିସ୍ ଆଚାର୍ଯ୍ୟ ପ୍ରେସମିଟ୍ କରିଥିଲେ ।