ନୂଆ ଜର୍ସି ପିନ୍ଧି T20 ବିଶ୍ୱକପ୍ ଖେଳିବ ଟିମ୍ ଇଣ୍ଡିଆ

ନୂଆଦିଲ୍ଲୀ: ନୂଆ ଲୁକରେ ଟିମ୍ ଇଣ୍ଡିଆ ।  ଟି୨୦ ବିଶ୍ବକପ ପାଇଁ  ଟିମ ଇଣ୍ଡିଆ ନୂତନ ଜର୍ସି ରିଲିଜ୍ ହୋଇଛି  । କ୍ରିକେଟର ମାନେ ଏହି ନୂତନ ଜର୍ସିକୁ ପରିଧାନ କରିବା ସହ ସୋସିଆଲ ମିଡ଼ିଆରେ ଫଟୋ ପୋଷ୍ଟ କରିଛନ୍ତି  । ଭାରତୀୟ କ୍ରିକେଟ ଟିମ୍ ମଧ୍ୟ ନିଜ ପେଜରେ ଏହି ଫୋଟକୁ ପୋଷ୍ଟ କରିଛନ୍ତି  । ନୂତନ ଜର୍ସି ନୀଳ ରଙ୍ଗର ରହିଥିବାବେଳେ ନୂତନ ଡିଜାଇନ୍ ମଧ୍ୟ କରାଯାଇଛି ।

ଆସନ୍ତା ଅକ୍ଟୋବର ୧୬ ରୁ ନଭେମ୍ବର ୧୩ ତାରିଖ ପର୍ଯ୍ୟନ୍ତ ଖେଳାଯିବକୁ ଥିବା ଟି-୨୦ ବିଶ୍ବକପ ପାଇଁ ଫ୍ୟାନ୍ସମାନଙ୍କଠାରେ ଦେଖିବାକୁ ମିଳିଛି ଉତ୍ସାହ ଅଷ୍ଟ୍ରେଲିଆରେ । ବିସିସିଆଇ ୧୫ ଜଣିଆ ଟି-୨୦ ସ୍କ୍ବାଡ ଘୋଷଣା କରିସାରିଛି । ସବୁଥର ପରି ଏଥର ମଧ୍ୟ ମ୍ୟାନ ଇନ ବ୍ଲୁ ଟି-୨୦ ବିଶ୍ବକପରେ ପିନ୍ଧିରେ ନୂଆ ଜର୍ସି । ଟି-୨୦ ବିଶ୍ବକପର ଜର୍ସି ପାଇଁ ଭାରତର କିଟ ପାର୍ଟନର MPL ସ୍ପୋର୍ଟସ ନୂଆ ଜର୍ସି ଲଞ୍ଚ କରିବା ନେଇ ପୂର୍ବରୁ ଘୋଷଣା କରିଥିଲା । ଟିମ ଇଣ୍ଡିଆର ନୂଆ ଜର୍ସି ଆଜି ମୁମ୍ବାଇର ଏକ କାର୍ଯ୍ୟକ୍ରମରେ ଲଞ୍ଚ କରାଯାଇଛି ।

ନୂଆ ଜର୍ସି ସ୍କାଏ ବ୍ଲୁ ମିଶ୍ରିତ ରଙ୍ଗରେ ଡିଜାଇନ କରାଯାଇଛି । ଜର୍ସିର ବାମ ପଟେ ବିସିସିଆଇ ଲୋଗୋ ରହିଥିବାବେଳେ ଡାହାଣ ପଟେ MPL ସ୍ପୋର୍ଟସର ଲୋଗୋ ରହିଛି । ନୂଆ ଜର୍ସି ଲଞ୍ଚ ପୂର୍ବରୁ ଏକ ଭିଡିଓ ମାଧ୍ୟମରେ ଅଧିନାୟକ ରୋହିତ ଶର୍ମା, ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ଏବଂ ବ୍ୟାଟର ଶ୍ରେୟାସ ଆୟାର ପ୍ରଶଂସକଙ୍କୁ ଟିମ ଇଣ୍ଡିଆର ନୂଆ ଜର୍ସିରେ ଭାଗ ନେବାକୁ କହିଥିଲେ । ତେବେ ଟିମ ଇଣ୍ଡିଆର ନୂଆ ଜର୍ସି ଲଞ୍ଚ ନେଇ ସୋସିଆଲ ମିଡିଆରେ କ୍ରିକେଟ ଫ୍ୟାନ୍ସଙ୍କ ମଧ୍ୟରେ ଖୁବ ଉତ୍ସାହ ଦେଖିବାକୁ ମିଳିଛି ।