T-20 ବିଶ୍ୱକପ୍‌ ପାଇଁ ଭାରତୀୟ ଦଳ ଘୋଷଣା, ଧୋନୀ ରହିବେ ମେଣ୍ଟର

1 min read

ମୁମ୍ବାଇ: ଟି-୨୦ ବିଶ୍ୱକପ୍‌ ପାଇଁ ବୁଧବାର ଦିନ ୧୫ ଜଣିଆ ଭାରତୀୟ ଟିମ୍‌ ଘୋଷଣା କରିଛି ବିସିସିଆଇ ।ମୁଖ୍ୟ ଚୟନକର୍ତ୍ତା ଚେତନ ଶର୍ମାଙ୍କ ନେତୃତ୍ୱରେ ଚୟନ କମିଟି ମୁମ୍ବାଇରେ ଆୟୋଜିତ ଏକ ବୖଠକରେ ଏହି ଘୋଷଣା କରିଛି ।

ଟି-୨୦ ବିଶ୍ୱକପ୍‌ ଅକ୍ଟୋବର ୧୭ ତାରିଖରୁ ଓମାନ ଓ ୟୁଏଇରେ ଖେଳାଯିବ । ଯାହାର ଫାଇନାଲ୍ ମ୍ୟାଚ୍ ନଭେମ୍ବର ୧୪ ତାରିଖରେ ଅନୁଷ୍ଠିତ ହେବ । ବିରାଟ କୋହଲି ଅଧିନାୟିକତ୍ୱ ଦାୟିତ୍ୱ ସମ୍ଭାଳିବାକୁ ଥିବା ବେଳେ ଉପ ଅଧିନାୟକ ହେଉଛନ୍ତି ରୋହିତ ଶର୍ମା । ଖାସ୍ କରି ଭାରତୀୟ ଟିମ୍‌ର ମେଣ୍ଟର ରହିବେ ମହେନ୍ଦ୍ର ସିଂହ ଧୋନୀ । ଯାହାକୁ ନେଇ ଫ୍ୟାନ୍ସଙ୍କ ମଧ୍ୟରେ ଉତ୍ସାହ ଭରି ରହିଛି ।

୩ ଜଣ ଖେଳାଳି ଷ୍ଟାଣ଼୍ଡବାଏରେ ରହିବେ । ସେମାନଙ୍କ ମଧ୍ୟରେ ରହିଛନ୍ତି ଶ୍ରେୟସ୍ ଆୟର, ଶାର୍ଦ୍ଦୁଳ ଠାକୁର, ଦୀପକ ଚହର ।

ଟୁର୍ଣ୍ଣାମେଣ୍ଟର ପ୍ରଥମ ପର୍ଯ୍ୟାୟରେ ୮ଟି କ୍ୱାଲିଫାଇଂ ଟିମ୍ ଭାଗ ନେବେ । ଯେଉଁଥିରେ ୪ଟି ଟିମ୍ ସୁପର ୧୨ରେ ପହଞ୍ଚିବେ । ପ୍ରାରମ୍ଭିକ ସ୍ତରରେ ୮ଟି ଟିମ୍ ମଧ୍ୟରେ ବାଂଲାଦେଶ, ଶ୍ରୀଲଙ୍କା, ଆୟରଲ୍ୟାଣ୍ଡ, ନେଦରଲାଣ୍ଡ, ସ୍କଟଲାଣ୍ଡ, ନାମିବିୟା, ଓମାନ ଓ ପାପୁଆ ନ୍ୟୁ ଗିନି ସାମିଲ ହେବ ।

ତେବେ ଟି-୨୦ ବିଶ୍ୱକପ୍‌ ରେ ଭାରତକୁ ପାକିସ୍ତାନ, ନ୍ୟୁଜିଲାଣ୍ଡ ଓ ଆଫଗାନିସ୍ତାନ ସହ ସୁପର ୧୨ର ଗ୍ରୁପ୍-୨ରେ ରଖାଯାଇଛି । ସେହିପରି ଗ୍ରୁପ୍-୧ରେ ଚାମ୍ପିଅନ୍ ୱେଷ୍ଟଇଣ୍ଡିଜ୍, ଇଂଲଣ୍ଡ, ଅଷ୍ଟ୍ରେଲିଆ ଓ ଦକ୍ଷିଣ ଆଫ୍ରିକା ସାମିଲ ରହିଛନ୍ତି । କ୍ୱାଲିଫାଇଂ ରାଉଣ୍ଡରୁ ପ୍ରତ୍ୟେକ ଗ୍ରୁପରେ ୨-୨ ଟିମ୍ ଏହି ଗ୍ରୁପରେ ଯୋଡି ହେବେ ।

 

Opn Commnet Area

Leave a Reply

Your email address will not be published. Required fields are marked *

Close Bitnami banner