ପିଏମ ମୋଦୀଙ୍କ ଉପରେ ନିର୍ମିତ ବିବିସିର ଡକ୍ୟୁମେଣ୍ଟାରୀ ସ୍କ୍ରିନିଂକୁ ନେଇ ଜେଏନୟୁ କ୍ୟାମ୍ପସରେ ହଙ୍ଗାମା

ନୂଆଦିଲ୍ଲୀ: ଦିଲ୍ଲୀ ସ୍ଥିତ ଜବାହରଲାଲ ନେହରୁ ୟୁନିଭରସିଟି (ଜେଏନୟୁ)ରେ ବିବିସି ଡକ୍ୟୁମେଣ୍ଟାରୀ ସ୍କ୍ରିନିଂକୁ ନେଇ ହଙ୍ଗାମା । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଉପରେ ନିର୍ମିତ ବିବିବିସିର ଏହି ବିବାଦୀୟ ଡକ୍ୟୁମେଣ୍ଟାରୀର ସ୍କ୍ରିନିଂ ସମୟରେ ବିବାଦ ଘଟିଛି । ସମସ୍ତ ଛାତ୍ରମାନଙ୍କୁ ବିବିସିର ଏହି ଡକ୍ୟୁମେଣ୍ଟାରୀ ଦେଖିବାକୁ ଦିଆଯାଉ ବୋଲି ଛାତ୍ର ସଂଘ ପକ୍ଷରୁ ସ୍ପଷ୍ଟ ଭାବେ କୁହାଯାଇଥିଲା । ଜେଏନୟୁ କ୍ୟାମ୍ପସରେ ଏହି ବିବାଦୀୟ ଡକ୍ୟୁମେଣ୍ଟାରୀକୁ ଦେଖାଇବା ପାଇଂ ପ୍ରୟାସ କରାଯାଇଥିଲା । ସମସ୍ତ ପ୍ରସ୍ତୁତି ଛାତ୍ର ସଂଘ ପକ୍ଷରୁ କରାଯାଇଥିଲା । ଯେତେବେଳେ କି ପ୍ରଶାସନ ଏନେଇ ଅନୁମତି ଦେଇନଥିଲା ।

ଯେମିତି ହିଁ ବିନା ଅନୁମତିରେ ଡକ୍ୟୁମେଣ୍ଟାରୀ ଚଳାଇବା ମାମଲା ସାମ୍ନାକୁ ଆସିଲା ତେବେ ପ୍ରଶାସନ ଛାତ୍ରସଂଘ କାର୍ଯ୍ୟଳୟର ବିଦ୍ୟୁତ ଏବଂ ଇଣ୍ଟରନେଟ ସେବା ବନ୍ଦ କରିଦେଇଛି । ଏହା ସତ୍ତ୍ୱେ ଛାତ୍ରମାନଙ୍କ ପକ୍ଷରୁ ଡକ୍ୟୁମେଣ୍ଟାରୀ ଦେଖାଇବା ପାଇଁ ସବୁପ୍ରକାର ଉଦ୍ୟମ କରାଯାଇଥିଲା । ଡକ୍ୟୁମେଣ୍ଟାରୀ ଦେଖୁଥିବା ଛାତ୍ରଙ୍କ ଉପରେ ପଥର ମାଡ଼ ମଧ୍ୟ ହୋଇଛି । ତେବେ ଛାତ୍ରଙ୍କ ଉପରେ କିଏ ପଥର ଫୋପାଡ଼ିଛି ସେନେଇ କୌଣସି ସ୍ପଷ୍ଟ ସୂଚନା ନାହିଁ । ହେଲେ ଏହାକୁ ନେଇ କ୍ୟାମ୍ପସରେ ଉତ୍ତେଜନା ବୃଦ୍ଧି ପାଇଛି ।